مەكسيكالىق واحاكا شتاتىنداعى «مورەن» پارتياسىنىڭ دەپۋتاتى ەميگديو لوپەس اۆەندانو دۇيسەنبى كۇنى ءولتىرىلدى. ونىمەن قوسا ءتورت پارتيالىق ارىپتەسى دە سايلاۋ الدى ساپار بارىسىندا تاپسىرىسپەن ءولتىرىلدى. بۇل تۋرالى ريا نوۆوستي جازدى.
«جەرگىلىكتى دەپۋتاتتىققا ۇمىتكەر ەحۋتلا ەميگديو لوپەس اۆەندانو مەن ارىپتەستەرىن سايلاۋ الدى ساپارىن ورىنداپ جۇرگەندە ءولتىرىپ كەتتى»، - دەپ جازدى سەناتور سالومون حارا كرۋس Twitter-دەگى پاراقشاسىندا.
الدىن الا دەرەكتەرگە سايكەس، «مورەن» پارتياسىنىڭ بەس مۇشەسىنە وق اتىلعان. شابۋىلدىڭ سەبەپتەرى ازىرگە بەلگىسىز.
Ettellekt اناليتيكالىق كومپانياسىنىڭ دەرەگىنە سۇيەنسەك، مەكسيكادا سايلاۋ الدى كامپانيا بارىسىندا 112 ساياساتكەر ولتىرىلگەن. ولاردىڭ 28ء-ى جوعارى لاۋازىمدارعا ۇمىتكەر بولۋعا دايىندالىپ جۇرگەندەر بولسا، تاعى 14ء-ى تىركەلگەندەر.
وسىعان وراي مەكسيكا بيلىگى 1 شىلدەدە وتەتىن داۋىس بەرۋ ناۋقانىنا دەيىن ءار ۇمىتكەردىڭ قاۋىپسىزدىگىن قامتاماسىز ەتۋدى قولىنا الدى.
