ق ر مادەنيەت جانە سپورت ءمينيسترى ارىستانبەك مۇحامەدي ۇلى گەنناديي گولوۆكيننىڭ جەكپە-جەگىن قازاقستاندا وتكىزۋ جايلى پىكىر ءبىلدىردى.
بۇدان بۇرىن نۇرسۇلتان نازاربايەۆ گولوۆكينمەن كەزدەسكەن. كەزدەسۋ بارىسىندا بوكستان الەم چەمپيونى گەنناديي گولوۆكين پرەزيدەنتكە ءوزىنىڭ چەمپيوندىق بەلبەۋىن سىيعا تارتتى.
«بۇل كەزدەسۋدە مەن دە بولدىم. ءبىز مەملەكەت باسشىسىنىڭ تاپسىرماسىمەن گەنناديي گولوۆكيننىڭ جەكپە-جەگىن قازاقستاندا وتكىزۋ ماسەلەسىن تالقىلادىق. قازىرگى ۋاقىتتا رەسەيدە فۋتبولدان الەم چەمپيوناتى ءوتىپ جاتىر، وزگە مەملەكەتتەر چەمپيوناتتى وتكىزۋدە كەزەكتە تۇر. ال گولوۆكيننىڭ جەكپە-جەگىنە الەم قىزىعادى»، - دەدى ارىستانبەك مۇحامەدي ۇلى ورتالىق كوممۋنيكاسيالار قىزمەتىنىڭ باسپا ءسوز ءماسليحاتىندا.
مۇحامەدي ۇلىنىڭ ايتۋىنشا، بۇل ماسەلە الداعى ۋاقىتتا بوكسشىنىڭ مەنەدجەرلەرىمەن تالقىلاناتىن بولادى.
پىكىر قالدىرۋ