ۋكرايندىق سۋرەتشى ناتاليا مكرچياننىڭ جەكە كورمەسىندە العاش رەت پرەزيدەنت نۇرسۇلتان نازاربايەۆتىڭ پورترەتى قويىلدى. تۋىندى استانانىڭ 20 جىلدىعىنا ارنايى سالىنعان. بۇل تۋرالى 24.kz حابارلادى.

ناتاليا بۇگىندە قىرىقتان استام كارتينانىڭ اۆتورى. جانە شىعارمالارىنىڭ باسىم بولىگى شىنايى، جانرلىق كارتينالار مەن پورترەتتەن تۇرادى. شىعارماشىل تۇلعا ءوز جۇمىستارىندا ماي جانە اكريلدى قولدانادى. ال سۋرەتتى تابيعي زىعىر ماتەريالىنا سالادى. سۋرەتشى قازاقستان پرەزيدەنتى نۇرسۇلتان نازاربايەۆتىڭ پورترەتىن سالۋدى بۇرىننان جوسپارلاپ جۇرگەن. نازاربايەۆتىڭ سيپاتتاماسىن تولىققاندى جەتكىزۋ ءۇشىن قازاق ەلىنىڭ كوشباسشىسى جايلى كوپتەگەن ماتەريالداردى ىزدەپ، زەردەلەگەن ەكەن.      

"كارتينانى ءبىر اي ىشىندە سالىپ شىقتىم. تۋىندىم نۇرسۇلتان ءابىش ۇلى نازاربايەۆتىڭ تۋعان كۇنى مەن استانا قالاسىنىڭ 20 جىلدىعىنا ارنالادى. ۋكرايندىق رەتىندە ەكى ەل اراسىنداعى قاتىناستى نىعايتۋ ءۇشىن ءوز ۇلەسىمدى قوسقىم كەلدى. بولاشاقتا قازاقستان جايلى بىرنەنە شىعارمانى سالۋ ويىمدا بار. جانە ونى مىندەتتى تۇردە كورمەگە قوياتىن بولامىن. وسى ورايدى ءوزارا ىنتىماقتاستىعىمىز ارتا بەرسىن دەگىم كەلەدى"، - دەدى سۋرەتشى، ن.نازاربايەۆ پورترەتىنىڭ اۆتورى ناتاليا مكرچيان.