1 شىلدە كۇنى وبلىستىق پەرزەنتxانادا مەرەكە قارساڭىندا دۇنيەگە كەلگەن ءسابيدى قۇتتىقتادى، دەپ xابارلايدى اتىراۋ وبلىستىق وڭىرلىك كوممۋنيكاسيالار قىزمەتى. 

دەنساۋلىق ساقتاۋ قىزمەتكەرلەرىنىڭ ايتۋىنشا 5ۇل جانە 1 قىز قالىپتى بوي مەن سالماعى بويىنشا دۇنيەگە كەلگەن، انالارىنىڭ جاعدايى جاقسى، بارلىعى دا وسى شاراعا قاتىسا الدى. وتباسى مۇشەلەرىن اتىراۋ وبلىستىق قازاقستان حالقى اسسامبلەياسى ءتوراعاسىنىڭ ورىنباسارى گۇلميرا شاكىروۆا قۇتتىقتاپ، تىلەگىن ءبىلدىردى.

«بيىلعى جىلى نۇرسۇلتان نازاربايەۆ ارنايى مەرەكە - ۇلتتىق دومبىرا كۇنىن ەنگىزدى. بۇگىن ءبىز وسى ماڭىزدى كۇندى اتاپ وتكەنىمىزگە شىن قۋانىشتىمىز. دومبىرا ءاردايىم قازاقستاننىڭ مۋزىكالىق مادەنيەتىنىڭ سيمۆولى بولعانىن اتاپ وتكىم كەلەدى، ول بالا كەزدەن جانىمىزعا جاقىن، ونىڭ شەگى ءاربىر ادامنىڭ جۇرەگىنە جەتەدى. ءبىز انالارىمىزعا جانە ولاردىڭ بالالارىنا زور دەنساۋلىق، قۋانىش پەن باقىت تىلەيمىز. ولار ءبىزدىڭ ەلىمىزدىڭ لايىقتى ازاماتتارىن ءوسىرىپ، ءبىزدىڭ داستۇرلەرىمىزدى، ءتىلىمىز بەن رۋحاني قۇندىلىقتارىمىزدى قادىرلەپ، ءبىلسىن» - دەپ تىلەدى گۇلميرا شاكىروۆا.

مەرەكە قارساڭىندا بوسانعان انالارعا سالتاناتتى تۇردە گۇل مەن سىيلىقتار بەرىلدى، ال مەرەكەنىڭ باستى بەلگىسى - دومبىرا العاش ءسابيى دۇنيەگە كەلگەن كەنجەعالييەۆتەردىڭ وتباسىنىڭ بەرىلدى.

«مەن بۇگىن تۇندە ساعات 12.30-دا ۇلىمدى بوساندىم. ءوزىمدى جاقسى سەزىنەمىن. بالانىڭ اتىن ءالى تاڭدامادىق، قازاق ءسالت-داستۇرى بويىنشا ۇلكەندەر لايىقتى ەسىم تاڭدايدى دەپ ويلايمىن. ۇيىمداستىرۋشىلارعا وسىنداي جاقسى جانە كوڭىلدى مەرەكە ءۇشىن العىس ايتامىن. بۇگىن ەلىمىز ءۇشىن جانە وتباسىمىز ءۇشىن ەرەكشە كۇن. مەن وتە قۋانىشتىمىن، بۇل وقيعا مەنىڭ ۇلىمنىڭ تۋىلعانىنا ەرەكشە جانە ۇمىتىلماس وقيعا بولادى»، - دەيدى جاس انا ىڭكار جانىبەكوۆا.

ايتا كەتۋ كەرەك، 2018 جىلدىڭ 13 ماۋسىمىندا قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ ۇلتتىق دومبىرا كۇنى تۋرالى جارلىعى جاريالاندى. مەرەكە قوعامدى ۇلتتىق مادەنيەت يدەياسى بويىنشا دامىتۋ ماقساتىندا قۇرىلعان جانە شىلدە ايىنىڭ ءبىرىنشى جەكسەنبىسىندە تويلاناتىن بولادى.