الەۋمەتتىك جەلىدە كامەلەت جاسقا تولماعان ءجاسوسپىرىم بالاعا شابۋىل جاساعان ەر ادامنىڭ ۆيدەوسى قىزۋ تالقىلاندى. ۆيدەونى كورگەن قازاقستاندىقتار جاعاسىن ۇستاپ جاتتى. Qamshy.kz اقپارات اگەنتتىگى ەتيكا تۇرعىسىنان ۆيدەونى سايتتا جاريالاماۋدى ءجون سانادى. 

انىقتالعانداي وقيعا شىمكەنت قالاسىندا، 1 شىلدە كۇنى بولعان.

ۆيدەودان ەر ادامنىڭ بالانى پودەزگە كىرگىزىپ، ارتىنشا باسپالداقتىڭ ارتىنا جاسىرىنعانىن بايقايمىز. كەيىن كىرەبەرىسكە ءبىر ايەل كىرىپ قالىپ، ەر ادام سىرتقا قاراي قاشا جونەلەدى. ۆيدەو بەينەباقىلاۋ كامەراسىنا ءتۇسىپ قالعان.

بۇل ىسكە قاتىستى قالالىق ءىىد پوليسەيدىڭ بارلىق قاجەتتى شارالاردى جۇرگىزگەنىن مالىمدەدى. كۇدىكتى بىردەن ۇستالعان ەكەن. ءقازىر ول ۋاقىتشا ۇستاۋ يزولياتورىندا جاتىر.

پوليسيا دەرەكتەرىنە سايكەس، كۇدىكتى 1985 جىلعى شىمكەنت تۇرعىنى بولىپ شىقتى. ول كىناسىن تولىق مويىندادى. ال پەدوفيلدىڭ قۇربانى بولعان 11 جاستاعى بالا ءقازىر دارىگەرلەردىڭ باقىلاۋىندا.