اتىراۋ وبلىسىنىڭ اكىمى نۇرلان نوعايەۆ ايماقتاعى مەملەكەتتىك اكىمشىلىك قىزمەتىنە جاڭادان كەلگەن بىلىكتىلىگىن ارتتىرۋ ماقساتىندا دايارلىق كۋرستاردان ءوتىپ جاتىرعان مەملەكەتتىك قىزمەتكەرلەرگە «اتىراۋ وبلىسىنىڭ الەۋمەتتىك-ەكونوميكالىق دامۋى» تاقىرىبىندا ءدارىس وتكىزدى.

دارىسكە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ اتىراۋ وبلىسى بويىنشا فيليالىندا قايتا دايارلاۋ كۋرسىندا وقىپ جاتىرعان جاس مەملەكتتىك قىزمەتكەرلەرى قاتىستى. ولاردىڭ ىشىندە 27-جەرگىلىكتى اتقارۋشى ورگانداردىڭ مەملەكەتتىك قىزمەتشىلەرى، 15-رەسپۋبليكالىق بيۋدجەتتەن قارجىلاندىرىلاتىن بولىمدەردىڭ قىزمەتكەرلەرى قاتىناستى.

شارادا ايماق باسشىسى جاس مەملەكەتتىك قىزمەتكەرلەرگە وبلىستاعى جەتىستىكتەر مەن 2017-18 جىلدارداعى كوپ ءونىمنىڭ وندىرىلگەنى تۋرالى ايتتى. سونىمەن قاتار، ءدارىس بارىسىندا نۇرلان نوعايەۆ ءوزىنىڭ جۇمىس بارىسىندا جيناعان تاجىريبەسىمەن ءبولىستى. ايماق باسشىسى جيىنعا قاتىسىپ وتىرعان قىزمەتكەرلەرگە، مەملەكەتتىك قىزمەتتىڭ اۋىر جۇمىس بولسا دا، جاۋاپتى قىزمەت ەكەنىن جەتىك ءتۇسىندىردى.

-ەلباسىمىز ايتقانداي، مەملەكەتتىك قىزمەتكەر بولۋ بۇل حالىق پەن باسشىلىقتىڭ تاراپىنان بىزگە بىلدىرگەن ۇلكەن سەنىم. ءار ازاماتتىڭ قۇقىعى مەن مىندەتتەرىن جۇزەگە اسىرۋدى ۇيىمداستىرۋ ءاربىر مەملەكەتتىك ورگاندار مەن مەملەكەتتىك قىزمەتكەرلەردىڭ تىكەلەي مىندەتتى. مەملەكەتتىك قىزمەتشى جوعارى جاۋاپكەرشىلىك پەن كاسىبي ءبىلىمدى، ادالدىقلىق پەن ومىرلىك ۇستانىمدا بەلسەندى، ادامگەرشىلىك سياقتى قاسيەتتەرگە يە بولۋى كەرەك. ول ءوز ەلىنىڭ پاتريوتى بولۋ قاجەت. ءوز ءبىلىمىن ۇنەمى جەتىلدىرىپ وتىرىپ، ۇنەمى ىزدەنىستە بولۋى كەرەك. مەملەكەت باسشىسىنىڭ جاريالاعان بۇل قاعيدالارى مەملەكەتتىك ورگانداردا جۇمىس ىستەۋگە بەل بايلاۋعا شەشىم قابىلداعاندار ءۇشىن انىق نۇسقاۋلىق بولۋى كەرەك،-دەيدى وبلىس اكىمى نۇرلان نوعايەۆ.

قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ اتىراۋ وبلىسى بويىنشا فيليالى باسشىسى ساۋلە كۋباشيەۆانىڭ ايتۋىنشا، وبلىستا مەملەكەتتىك قىزمەت تۋرالى زاڭدى جۇزەگە اسىرۋ بويىنشا بەلسەندى جۇمىستار جۇرگىزىلۋدە.

جاس كادرلار دايىنداۋ مەن قايتا دايارلاۋ مەملەكەتتىك قىزمەت اكادەمياسىنىڭ، سونداي-اق اتىراۋ وبلىسىنىڭ اكىمدىگىنىڭ باستى مىندەتى.

- وبلىس اكىمى ءبىزدىڭ باستاماىمىزدى قولداپ، جاس مەملەكەتتىك قىزمەتكەرلەرگە ءدارىس وقىعانىڭىزعا قۋانىشتىمىز. ءاربىر جاڭادان كەلگەن مامان ءۇشىن جاقسى ۇلگى بولۋعا، جۇمىس جولىنىڭ باسىندا كۇشتى تالىمگەرگە يە بولۋى كەرەك. وبلىس اكىمى مەملەكەتتىك قىزمەتتە ءوزىنىڭ جولىن قالىپتاستىرۋ تاجىريبەسىمەن ءبولىسىپ تۇرعانى ءبىزدى قۋانتادى. بىزدەر ءوز جۇمىسىمىزدا تىكەلەي پايدالانىلاتىن وتە قۇندى جانە پايدالى اقپارات العانىمىزعا سەنىمدىمىز »، - دەيدى ساۋلە كۋباشيەۆا.

ايتا كەتەيىك، ق ر ۇكىمەتىنىڭ 2018 جىلعى 15 مامىرداعى №125 قاۋلىسىنا سايكەس، مەملەكەتتىك اكىمشىلىك قىزمەتىنە العاش كەلگەن مەملەكتتىك قىزمەتشىلەر قايتا دايارلىقتان ءوتۋ مىندەتتى ەكەنىن ايتقان بولاتىن. بۇگىنگى كۇنى وڭىرىمىزدە 42 جاڭا مەملەكەتتىك قىزمەتكەرلەر بىلىكتىلىگىن ارتتىرۋ ماقساتىندا وقۋدا.