اقتوبە وبلىسىنداعى ۇلتتىق ءبىرىڭعاي تەستىلەۋ ناتيجەلەرى تۋرالى وڭىرلىك كوممۋنيكاسيالار قىزمەتىندەگى باسپا ءسوز كونفەرەنسياسى بارىسىندا وبلىستىق ءبىلىم باسقارماسىنىڭ باسشىسى ءلاززات ۋرازبايەۆا حابارلادى.

ۇبت ماۋسىمنىڭ 21-نەن 25ء-ى ارالىعىندا اقتوبە قالاسىنداعى جانە اۋداندارداعى 15 پۋنكتتە 4 اعىمدا وتكىزىلدى.

«6669 تۇلەكتىڭ 5335ء-ى تەستىلەۋگە قاتىستى. ورتاشا بالل وبلىس بويىنشا 85،6 قۇرادى، بۇل 2017 جىلعى كورسەتكىشتەن 3،2 باللعا جانە رەسپۋبليكالىقتان 2،6 باللعا جوعارى. وبلىس بويىنشا ەڭ جوعارى بالل – 137 باللدا اقتوبە قالاسىنداعى №53 وم تۇلەگى الپامىس اقجول جينادى»، - دەدى ءلاززات ۋرازبايەۆا.

تەستىلەۋ ۋاقىتىندا بۇزۋشىلىقتارعا جول بەرمەۋ جانە تەستىلەۋگە قاتىساتىنداردى قورعاۋ ماقساتىندا تەستىلەۋگە كىرگىزگەن كەزدە تۇلەكتەردى جيەكتى مەتالل ىزدەگىشتەردى قولدانا وتىرىپ، قارادى. جيەكتى مەتالل ىزدەگىشتەر ۇبت وتكىزىلەتىن بارلىق 15 پۋنكتتە قولدانىلدى، ودان باسقا ۇيالى تەلەفون دابىلدارىن وشىرەتىندەر، بەينەباقىلاۋلار پايدالانىلدى.