بۇل تۋرالى اقتوبە وبلىسىنىڭ وڭىرلىك كوممۋنيكاسيالار قىزمەتىندەگى باسپا ءسوز كونفەرەنسياسى بارىسىندا ءلاززات ۋرازبايەۆا حابارلادى.
ونىڭ ايتۋىنشا وڭىردە، تۇتاستاي العاندا، جازعى دەمالىستى ۇيىمداستىرۋعا 282 ملن.تەڭگە قاراستىرىلعان.
«قالا سىرتىنداعى لاگەرلەردە 11 405، مەكتەپ جانىنداعىلاردا – 56 281، پالاتالىدا – 17 486، اتا-انالارىنىڭ ەسەبىنەن تاعى دا 33 084 وقۋشى دەمالادى. وڭىردە 11 قالا سىرتىنداعى، سونىڭ ىشىندە، 3 مەملەكەتتىك، 8 جەكە لاگەرلەر جۇمىس ىستەيدى، وندا 11 مىڭ بالا دەمالا الادى. ەرەكشە ءبىلىم تالاپتارى بار بالالارعا ارنالعان قالا سىرتىنداعى «كۇنشۋاق» لاگەرى 600-دەي بالانى قابىلدايدى.
1 قىركۇيەكتە قالا سىرتىنداعى «اسەم» جىل بويعى لاگەرىندە 300 ورىندىق مەكتەپ جانە وقۋشىلار ءۇشىن جابدىقتالعان ۇيىقتايتىن بلوك اشىلادى. قوبدا اۋدانىنىڭ ەگىندىبۇلاق كەنتىندە جىل بويعى لاگەر قۇرىلىسى جوسپارلانۋدا»، - دەدى ءلاززات ۋرازبايەۆا.
اعىمداعى جىلى جازعى كانيكۋل ۋاقىتىندا بالالاردىڭ بوس ۋاقىتىن ءتيىمدى ۇيىمداستىرۋ ماقساتىندا بالالار مەن جاسوسپىرىمدەر ساۋىقتىرۋعا، سونداي-اق، ولار دەمالۋعا جانە جۇمىسپەن قامتىلۋعا باعىتتالاتىن بولادى. 5-9 سىنىپتاردان 48 مىڭ وقۋشى كوگالداندىرۋعا، باۋ-باقشا، جوندەۋ جانە قۇرىلىس جۇمىستارىنا تارتىلاتىن بولادى، 24 مىڭ بالا قىزىعۋشىلىقتارىنا قاراي ۇيىرمەلەر مەن سپورتتىق سەكسيالارعا، اۋلا كلۋبتارىنا قاتىستىرىلاتىن جانە قوسىمشا بىلىممەن قامتىلاتىن بولادى، 5 مىڭ بالا «جاس ۇلان» قىزمەتىمەن اينالىسادى، تاعى دا 9 مىڭ بالا – جازعى مەكتەپتىك ءتىل الاڭدارىمەن اينالىسادى.
«قازاقستاننىڭ قاسيەتتى جەرلەرىنىڭ گەوگرافياسى» جوباسىن جۇزەگە اسىرۋ بارىسىندا 3325 وقۋشىنى الماتى، وڭتۇستىك قازاقستان، جامبىل، قىزىلوردا وبلىستارىنا ەكسكۋرسياسىن ۇيىمداستىرۋ جوسپارلانۋدا، 2540 وقۋشى وبلىستىڭ قاسيەتتى جەرلەرىنە بارا الادى.
ودان باسقا، قازاقستانداعى وزبەكستان جىلى اياسىندا تامىزدا بايقوڭىر – تۇركىستان – تاشكەنت – سامارقاند باعىتى بويىنشا 100 وقۋشىعا تۋريستىك ساپار ۇيىمداستىرىلاتىن بولادى.
ءتۇرلى پاندىك وليمپيادالاردىڭ، شىعارماشىلىق كونكۋرستار مەن سپورتتىق جارىستاردىڭ 5 جەڭىمپازى تاتارستان رەسپۋبليكاسىنداعى «بايتيك» لاگەرىندە، 5 مەكتەپ وقۋشىسى – قحر لاگەرىندە، 120 بالا – ورىنبور وبلىسىنىڭ «سولنەچنايا سترانا» لاگەرىندە، 400 وقۋشى – شىعىس قازاقستان وبلىسىنداعى «دارىن» لاگەرىندە دەمالاتىن بولادى.
پىكىر قالدىرۋ