اتىراۋ وبلىسىندا «رۋحاني جاڭعىرۋ» باعدارلاماسى بويىنشا اۋىلدىق جەرلەردە اعىلشىن ءتىلىن ۇيرەنۋگە قولايلى ورتا قالىپتاستىرۋ جۇمىستارى دا قولعا الىنعان، دەپ جازادى Qamshy.kz اقپارات اگەنتتىگى ءتىلشىسى. بۇل تۋرالى «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى نۇرلىبەك وجايەۆتىڭ جەرگىلىكتى باسىلىمدارعا بەرگەن سۇحباتىندا بەلگىلى بولدى. 

«رۋحاني جاڭعىرۋ» باعدارلاماسى بويىنشا اۋىلداردا اعىلشىن ءتىلىن ۇيرەنۋگە قولايلى ورتا قالىپتاستىرۋعا جانە ەلىمىزدە ەرىكتىلەر قوزعالىسىن دامىتۋعا باسىمدىق بەرىلدى. وسىعان وراي اعىلشىن ءتىلىن ەركىن مەڭگەرگەن 500 قازاقستاندىق جانە شەتەلدىك جاس ەرىكتى تۇردە اۋىل مەكتەپتەرىنە جىبەرىلىپ، ولار ارنايى قۇرىلعان كلۋبتاردا جەرگىلىكتى جاستارعا ءتىل ۇيرەتەتىن بولادى. جوبا اياسىندا  بيىلعى 21 ماۋسىمىنان باستاپ ايماقتا اعىلشىن ءتىلىن ۇيرەتەتىن ارنايى  185  جازعى لاگەر ءوز جۇمىسىن باستايدى.

«ۇشتىلدىلىككە كوشۋ» جوباسىنا جىلىوي اۋدانىنىڭ  جاڭا قاراتون كەنتىندەگى №23، يندەربورداعى كوكتەم، اققىستاۋ سەلوسىنداعى اققىستاۋ، ماقات اۋدانداعى حامزا سانبايەۆ، قۇرمانعازى اۋدانىنداعى بەگالييەۆ، ماحامبەت اۋدانىنىڭ سارايشىق سەلوسىنداعى قاراشا ۇلى، اتىراۋ قالاسىنداعى فاريزا وڭعارسىنوۆا اتىنداعى ورتا مەكتەپتەر مەن ميالىداعى №1 مەكتەپ-گيمنازياسى قاتىسادى.