اتىراۋ وبلىسىنىڭ قىزىلقوعا اۋدانىندا «رۋحاني جاڭعىرۋ» كىشى جوبالىق كەڭسەسى اشىلدى، دەپ جازادى Qamshy.kz اقپارات اگەنتتىگى.   ەلباسى ۇلتتىق بولمىس پەن بىرەگەيلىكتى ساقتاي وتىرىپ، وشكەنىمىزدى قايتا تۇگەندەپ وسكەلەڭ ۇرپاققا ۇلگى ەتۋ ماقساتىندا  «رۋحاني جاڭعىرۋ» باعىتىندا ءبىرقاتار باعدارلامالىق باستامالاردى قولعا العانى بەلگىلى.  بۇل كەڭسە كونە ءداۋىر تاريحىن زەرتتەپ، بۇگىنگى ۇرپاققا ەش بۇكپەسىز جەتكىزۋگە مول مۇمكىندىك بەرمەك.

ەلباسى ماقالاسىندا "جاڭعىرۋ اتاۋلى بۇرىنعىداي تاريحي تاجىريبە مەن ۇلتتىق داستۇرلەرگە شەكەدەن قاراماۋعا ءتيىس. كەرىسىنشە، زامانا سىنىنان سۇرىنبەي وتكەن وزىق  داستۇرلەردى تابىستى جاڭعىرۋدىڭ ماڭىزدى العىشارتتارىنا اينالدىرا ءبىلۋ قاجەت. ەگەر جاڭعىرۋ ەلدىڭ ۇلتتىق-رۋحاني تامىرىنان ءنار الا الماسا، ول اداسۋعا باستايدى."، - دەگەن بولاتىن. 

اتىراۋ وبلىسىندا «رۋحاني جاڭعىرۋ» باعدارلاماسىن ناسيحاتتاۋ مەن جۇزەگە اسىرۋ بويىنشا كوپتەگەن شارالار قولعا الىنىپ كەلەدى. وتكەن جىلى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە "بولاشاققا باعدار: رۋحاني جاڭعىرۋ" باعدارلاماسىن جۇزەگە اسىرۋ ءۇشىن ۇيلەستىرۋ ورتالىعى قۇرىلعان بولاتىن. ساراپتاما كەڭەسىنىڭ قۇرامىنا عالىمدار، ولكەتانۋشىلار، قازاقستان حالقى اسسامبلەياسى اتىراۋ وبلىسى بويىنشا وكىلدەرى مەن جۋرناليستەر ەنگەن. 

ال بيىل باعدارلاما اياسىندا مىڭنان استام بالاعا ءبىلىم بەرەتىن IT سىنىپتار مەن اعىلشىن ءتىلىن ۇيرەتەتىن جازعى لاگەرلەر جۇىسىن باستادى.