الماتى وبلىسى شەلەك اۋلىنىڭ ورتالىق اۋرۋحاناسىندا قاندى قايعىلى وقيعا بولىپ، ءۇش ادام قازا تاپتى. بۇل جايىندا الماتى وبلىسى اكىمدىگىنىڭ باسپا ءسوز قىزمەتى ءمالىم ەتتى.

وقيعا 2 شىلدە تۇسكى ۋاقىتتا ورىن العان. ورتالىق اۋرۋحانانىڭ قىزمەتكەرلەرى كارىز جۇيەسىن تەكسەرىپ جۇرگەن كەزدە گازدان ۋلانىپ قالعان. سالدارىنان ەكى سانتەحنيك پەن ءبىر مەديسينا قىزمەتكەرى كوز جۇمدى.

«كۋاگەرلەردىڭ ايتۋىنشا، ەڭ الدىمەن قۇدىققا 1967 جىلعى ەر ادام ءتۇسىپ بارا جاتىپ قۇلاپ كەتكەن. ونى شىعارىپ الۋ ءۇشىن 1969 جىلعى ەر ادام ءتۇسىپ، ول دا ەسىنەن تانىپ قالعان. ولارعا كومەك كورسەتۋ ءۇشىن  تۇسكەن ەكى دارىگەر دە وزدىگىنەن قۇدىقتان شىعا الماعان. ولاردى قۇتقارۋ توبى شىعارىپ العان. ۋلى گازدان ەكى سانتەحنيك قازا تاۋىپ، ءبىر مەديسينا قىزمەتكەرلەرى اۋىر جاعدايدا رەانيماسياعا تۇسكەن»، - دەيدى الماتى وبلىسى اكىمدىگى.

كەيىنىرەك ءبىر دارىگەردىڭ كوز جۇمعانى بەلگىلى بولدى.