قىزىلوردادا تۋعان بالاعا نۇرپرەزيدەنت دەگەن ەسىم قويىلدى، دەپ حابارلايدى Qamshy.kz اقپارات اگەنتتىگى.
ناۋرىز ايىندا وبلىستىق پەرزەنتحانادا نۇرپرەزيدەنت اتتى بالا دۇنيەگە كەلگەن. تۋۋ تۋرالى كۋالىكتىڭ سۋرەتى الەۋمەتتىك جەلىلەردە تارالىپ جاتىر.
Tengrinews.kz سايتىنىڭ دەرەگىنشە، بۇل مالىمەتتى قىزىلوردانىڭ ازاماتتىق جاعداي اكتىلەرى تىركەۋ ءبولىمىنىڭ وكىلدەرى راستاعان.
"ءيا، راسىندا دا نۇرپرەزيدەنت ەسىمدى بالا دۇنيەگە كەلدى. وتباسىنداعى ەكىنشى بالا. اتا-اناسى قىزىلوردا وبلىسىندا تۇرادى. اتا-اناسى 26 جاستا"، - دەدى قىزىلوردانىڭ ازاماتتىق جاعداي اكتىلەرى تىركەۋ بولىمىندەگىلەر.
سونىمەن قاتار ۆەدومستۆو وكىلدەرى مۇنداي سيرەك ەسىمنىڭ العاش رەت تىركەلگەنىن ايتىپ ءوتتى.
بالانىڭ اكەسى قانات دەگەن قازاق ەكەن.
