سەمەيدەگى №23 مەكتەپتىڭ تۇلەگى ۇلتتىق ءبىرىڭعاي تەستىلەۋدەن ءبىر دە ءبىر بالل الماعان. بۇل تۋرالى Altaynews جازدى.

«وقۋشىلاردىڭ كوبى تەستكە قاراۋدىڭ ورنىنا جان-جاقتان كومەك كۇتىپ وتىردى. كومەك كەلمەگەن سەكىلدى. ايتپەسە، 11 سىنىپتى بىتىرگەن جاس قىزدىڭ، ءتىپتى، ءبىر سۇراققا جاۋاپ بەرە الماعانى مۇمكىن ەمەس جاعداي»، - دەدى قالالىق ءبىلىم ءبولىمىنىڭ باسشىسى ناتاليا فەسەنكو.

فەسەنكونىڭ ايتۋىنشا، تۇلەكتەرگە ۇبت بارىسىندا سىرتتان كەلەتىن كومەككە سەنىپ قالماۋى ەسكەرتىلگەن. قالا بويىنشا 182 تۇلەك جوعارى وقۋ ورنىنا قاجەتتى بالل جيناي الماعان. الايدا تامىزدا قابىلداۋ ەمتيحاندارىن وتكىزۋگە مۇمكىندىكتەرى بار، تەك اقىلى وقۋعا تۇسە الاتىن بولادى.

ۇبت-نىڭ ءۇش كەزەڭىنىڭ قورىتىندىسىنا سايكەس، سەمەيدەگى ابيتۋريەنتتەردىڭ ورتاشا باللى 84،7 بولدى. ال ەلدە ەڭ جوعارى 140 باللدى جيناعان تۇلەك الماتى قالاسىنداعى №123 مەكتەپ-گيمنازياسىنىڭ تۇلەگى.