2018 جىلدىڭ 3 شىلدەسىندە «سامۇرىق-قازىنا» كورپوراتيۆتىك ۋنيۆەرسيتەتىندە جاس ماماندارعا ارنالعان «جاس وركەن» باعدارلاماسى بايقاۋىنىڭ اقتىق كەزەڭى – بايقاۋ كوميسسياسىنىڭ وتىرىسى ءوتتى دەپ حابارلايدى Qamshy.kz اقپارات اگەنتتىگى«سامۇرىق-قازىنا» اق قوعاممەن بايلانىس جانەماركەتينگتىك كوممۋنيكاسيالار دەپارتامەنتىنە سىلتەمە جاساي وتىرىپ.

«سامۇرىق-قازىنا» اق-نىڭ وپەراسيالىق قىزمەتتەر جونىندەگى باسقارۋشى ديرەكتورى الىشەر پىرمەتوۆتىڭ ءتوراعالىق ەتۋىمەن وتكەن كوميسسيا قۇرامىندا قوردىڭ قورجىندىق كومپانيالارىنىڭ باسقارۋشى ديرەكتورلارى، ۇيىمداستىرۋ كوميتەتىنىڭ وكىلدەرى بولدى.

2018 جىلدىڭ باسىندا بايقاۋعا قاتىسۋعا 737 ۇمىتكەر ءوتىنىش بەرگەن بولاتىن، ولاردىڭ 27ء-سى ىرىكتەۋ كەزەڭدەرىنەن ءساتتى ءوتىپ، اقتىق كەزەڭگە جەتتى. بۇل – 2016، 2017، 2018 جىلدارى ەلىمىزدىڭ 10 وبلىسى مەن استانا، الماتى جانە شىمكەنت قالالارىنداعى جوعارى وقۋ ورىندارىن باكالاۆريات نەمەسە ماگيستراتۋرا باعدارلامالارى بويىنشا بىتىرگەن تۇلەكتەر.

بايقاۋ شارتى بويىنشا باعدارلاماعا نەبارى 20 تۇلەك قاتىسىپ، ولار 20 اي بويى «سامۇرىق-قازىنا» اق-نىڭ بىرنەشە قورجىندىق كومپانياسىندا جەدەل جەتىلدىرۋ باعدارلاماسىنان وتەدى. جاس مامانداردى ەڭبەك جولىن باستاۋدىڭ بىرەگەي مۇمكىندىگى – ەلىمىزدىڭ ءىرى يندۋستريالدىق كاسىپورىندارىنداعى وقۋ مەن جۇمىس كۇتىپ تۇر. ءار قاتىسۋشىعا قورجىندىق كومپانيانىڭ جەلىلىك جەتەكشىلەرىنەن جەكە تالىمگەر تاعايىندالادى.

باعدارلامادان ءساتتى وتكەن جاس ماماندارعا «سامۇرىق-قازىنا» اق كومپانيالار توبىندا جۇمىس ىستەۋ جانە ارى قاراي جەتىلۋ جوسپارى جاسالادى. باعدارلاما اياقتالعان سوڭ دارىندى جاس ماماندار قازاقستاننىڭ ۇلتتىق كومپانيالارىنداعى كوماندا مۇشەسى بولۋ مۇمكىندىگىنە يە بولادى.

«جاس وركەن» باعدارلاماسىنا جاس ماماندار العاش رەت 2017 جىلى ىرىكتەلىپ الىنعانىن اتاپ ءوتۋ كەرەك. ول كەزدە بايقاۋعا قاتىسۋعا 594 ۇمىتكەر ءوتىنىش بەرگەن بولاتىن، ءقازىر ولاردىڭ جيىرماسى قوردىڭ 16 قورجىندىق كومپانياسىندا تاعىلىمدامادان ءوتىپ جاتىر.