الماتىدا «توميريس» ءفيلمىنىڭ پروديۋسەرى اننا چاكيرتوۆا جوعالىپ كەتتى، دەپ جازادى Qamshy.kz اقپارات اگەنتتىگى.

ايەلدىڭ جاقىندارىنىڭ سوزىنشە، چاكيرتوۆا 2 شىلدە كۇنى كەشكى ساعات 21.20-دا ۇيىنەن شىعىپ كەتىپ، سول كۇيى ورالماعان. 

«سول كۇنى ساعات 20.00 شاماسىندا كەڭسەدەن شىعىپ، ۇيگە كەتكەن. جولدا دارى-دارمەك الۋ ءۇشىن ءدارىحاناعا كىردى. ارى قاراي ۇيگە باردى. ءبىزدىڭ ەكى بالامىز بار – ۇلىمىز 1997 جىلعى، ال قىزىمىز 1999 جىلعى. ۇلدى دۇكەنگە جىبەرىپ، ءوزى ۇيدە قالعان. ۇلىم قايتىپ كەلسە، ايەلىم جوق ەكەن. ۇيالى تەلەفونىن تەلەفون قۋاتتاعىشقا قويىپ، ۇيدە تاستاپ كەتكەن. ول جاۋاپكەرشىلىگى بار ادام، ەسكەرتپەي ەشقايدا كەتپەيتىن، بىزگە ءار قادامىن ايتىپ جۇرەتىن»، - دەدى كۇيەۋى مۇرات نۇعمانوۆ.

كۇيەۋىنىڭ ايتۋىنشا، ءدارىحاناداعى باقىلاۋ كامەراسىنان اننانىڭ سوڭىع رەت قانداي كيىمدە بولعانى كورىنىپ تۇر. پروديۋسەردىڭ تۋىستارى اننانى كورىپ قالعان جاعدايدا مىنا نومىرلەرگە حابارلاسۋدى سۇرايدى: +7 707 272 0945.