«جاڭا قازاقستان» فورۋمى العاش اشىلىپ، بريۋسسەلگە بارىپ قايتقاندا كوپشىلىكتى الاڭداتقان ءبىر ساۋال بولدى: «بۇلار اقشانى قايدان الادى؟». بۇگىنگى باسپا ءسوز ءماسليحاتىندا ساياساتكەرلەر وسى سۇراققا جاۋاپ بەردى، دەپ حابارلايدى Qamshy.kz اقپارات اگەنتتىگىنىڭ ءتىلشىسى.

ءامىرجان قوسانوۆتىڭ ايتۋىنشا، اقشا شاعىن جانە ورتا بيزنەستەن تۇسەدى.

«ارقامىزدا تىرەپ تۇرعان ەشقانداي وليگارح جوق»، - دەپ اشىق ايتتى قوسانوۆ.

ءوز كەزەگىندە راسۋل جۇمالى وسى ۋاقىتقا دەيىن بولعان مەملەكەتتىك ماڭىزدى ساپارلاردىڭ قۇنىنا توقتالدى.

«ءار ساپاردىڭ قۇنى، ونداعى جاسالاتىن كەلىسىمدەر، قارىز بەن ينۆەستيسيالار 5-10 ملرد دوللارعا دەيىن شىعادى. ماسەلەن، اقش-قا ساپاردىڭ قۇنى 7 ملرد دوللار بولدى. ال ءبىز سونىڭ سۇراۋىن ۇمىتامىز. ول – ءسىز بەن ءبىزدىڭ قاراجاتىمىز. ونىڭ ماڭىزى، ونىڭ تاعدىرى، قايتارىمى قانداي بولماق؟ ول قارىزدى ەرتەڭ كىم وتەيدى؟ ارينە، ءبىزدىڭ ۇرپاق. نەگە وسى سۇراقتىڭ جاۋاپتارىن ىزدەمەيمىز؟»، - دەدى ول.

ايتا كەتەيىك، الماتىدا "جاڭا قازاقستان" فورۋمىنىڭ باسپا ءسوز ءماسليحاتىن ءوتىپ جاتىر.  فورۋم بارىسىندا ساياساتكەرلەر اقش استاناسى ۆاشينگتونعا ساپارلارىنىڭ ناتيجەسىن ايتىپ بەردى. اقش-تا اشارشىلىققا باعا بەرۋ، بيلىكتىڭ ءترانزيتى، پارلامەنتتىك جۇيەگە اۋىسۋ ماسەلەسى، سونىمەن قاتار قىتايداعى قازاق ماسەلەسى كوتەرىلگەن.