فۋدجەيرا امىرلىگىنىڭ بيزنەس دەلەگاسياسى سولتۇستىك قازاقستان وبلىسىنا كەلدى. دەلەگاسيانى فۋدجەيرا ەركىن ەكونوميكالىق ايماعىنىڭ باس ديرەكتورى شاريەف ءال-اۋادحي باستاپ كەلىپ وتىر. وبلىستىق اكىمدىكتە سقو اكىمى فۋدجەيرا امىرلىگىنىڭ بيزنەس دەلەگاسياسىمەن كەزدەستى. كەزدەسۋدە ەكى جاقتى ارىپتەستىك مۇمكىندىكتەرى تالقىلانىپ، مەموراندۋمدارعا قول قويىلدى.

كەزدەسۋدى اشقان وبلىس اكىمى قۇمار اقساقالوۆ قوناقتارعا وبلىسىمىزدىڭ ساۋدا-ەكونوميكالىق الەۋەتى تۋرالى ايتىپ بەردى. ءوڭىر باسشىسى تەرىسكەي ەكونوميكانىڭ ءبىرقاتار سالالارىندا بايلانىستى نىعايتۋعا دايىنبىز دەيدى.

«ءبىزدىڭ وبلىس اۋىل شارۋاشىلىعى ونىمدەرىن قايتا وڭدەۋگە كوپ كوڭىل بولەدى. سولتۇستىكتىڭ ءونىمى تازا ءارى باسەكەگە قابىلەتتى. سولتۇستىك قازاقستان ونەركاسىپ، اۋىل شارۋاشىلىعى، ءونىمدى ەكسپورتتاۋ جانە تۋريزم سالالارىندا بىرلەسە جۇمىس جاساۋعا دايىن»، - دەدى قۇمار اقساقالوۆ.  

فۋدجەيرا ەركىن ەكونوميكالىق ايماعىنىڭ باس ديرەكتورى شاريف ءال-اۋادحي قوناقجايلىق تانىتقان سولتۇستىكقازاقستاندىقتارعا العىسىن جەتكىزىپ، تەرىسكەيگە ىنتىماقتاستىقتى نىعايتۋ ءۇشىن كەلگەندەرىن ايتتى.

«بىزدە تۋريزم مىقتى دامۋدا. قوناق ءۇي بيزنەسى سالاسىندا تاجىريبەمەن بولىسۋگە دايىنبىز. ءبىز ترەيدينگ جانە ءونىمدى قايتا وڭدەۋ باعىتتارىندا قولايلى جاعدايلار جاسادىق. ءبىز سەرىكتەستەرگە سالىق تولەمەي، 100 پايىز ۇلەستى يەلىك ەتۋگە مۇمكىندىك بەرەمىز. سولتۇستىك قازاقستاندا ءبىزدى اسىرەسە تۋريزم جانە اۋىل شارۋاشىلىعى سالالارى قاتتى قىزىقتىرىپ وتىر. جاز ۋاقىتىندا سىزدەرگە كەلىپ دەمالۋعا بولادى، ول ءۇشىن اۋا رايى وتە قولايلى ەكەن. ءبىزدىڭ ەلدە ءقازىر اپتاپ ىستىق. سونداي-اق ءبىزدىڭ بيزنەسمەندەر ساۋدا ورتالىقتارىن سالۋعا قىزىعۋشىلىق تانىتىپ وتىر»، - دەدى شاريەف ءال-اۆادي.

كەزدەسۋ سوڭىندا ەكى تاراپ ىنتىماقتاستىق جونىندەگى ءبىرقاتار مەموراندۋمدارعا قول قويدى.