كوپتەن بەرى رەسەيدىڭ ماسكەۋىندە ۇيالى تەلەفونى جوق، الەۋمەتتىك جەلىدە وتىرمايتىن جايباراقات تىنىش ءومىر ءسۇرىپ جاتقان سنوۋدەنمەن بايلانىسقا ءتۇسىپ، سۇحبات الۋ وڭايعا سوقپادى. الايدا بىرنەشە ايعا سوزىلعان كەلىسسوز بارىسىندا سۇحبات الىندى دەيدى شەتەلدىك ب ا ق.

سنوۋدەننىڭ ايتۋىنشا، ول ماسكەۋدە شىنىندا دا قاراپايىم ادامنىڭ كۇنىن كەشىپ ءجۇر. پاتەر جالداپ ءومىر سۇرەدى، مەتروعا وتىرىپ مەجەلى جەرىنە بارادى، ليندسيمەن (سۇيىكتىسى-اۆت.) قولتىقتاسىپ كينوعا بارادى دەگەندەي. عالامتوردا بايانداما جاساۋ ارقىلى اقشا تاباتىن ول ءوز ومىرىنە ءدان ريزا ەكەن.

ەڭ قىزىعى، رەسەيگە العاش كەلگەندە سنوۋدەنگە جان-جاقتى شابۋىل جاسالىنىپتى. اشىعىن ايتقاندا، رەسەيلىك ارنايى قىزمەت ءوز جاعىنا تارتقىسى كەلىپ ارەكەت جاساعان. سنوۋدەن بولسا ايتقانعا يلانباي، بىرگە جۇمىس جاساۋدان باس تارتقان ەكەن.

سۇحباتتىڭ ءبىرشاما بولىگى رەسەيدەگى جاعدايعا ارنالىپتى. سنوۋدەن اڭگىمە بارىسىندا رەسەيلىك بيلىكتى، اتاپ ايتقاندا ءپۋتيننىڭ جۇرگىزىپ وتىرعان ساياساتىن سىناپ تاستادى. «ءپۋتيندى ومىردە تانىماسام دا، ونىڭ ساياساتىن جاقتىرمايمىن، قولدامايمىن» دەپ سىر اقتارىپتى سنوۋدەن.

سنوۋدەننىڭ ايتۋىنشا، رەسەيلىكتەر اشىق اۋىز حالىق ەمەس، ولار بيلىكتىڭ قانداي ەكەنىن جاقسى بىلەدى. بيلىككە قارسى شىعىپ ۇندەيىن دەسە قولدارى قىسقا. رەسەيدىڭ باستى باس اۋرۋى بيلىك قانا ەمەس، جەمقورلىق دەندەگەن قوعام دەيدى ول.

اۋدارعان: جازيرا بايدالى

دەرەككوز: www.tagesanzeiger.ch