«سيفرلىق قازاقستان» مەملەكەتتىك باعدارلاماسىنىڭ ەنگىزىلۋىمەن ەلىمىزدە IT سالاسىن دامىتۋعا جول اشىلدى. ويتكەنى، وركەنيەتتى ەلدەردىڭ كوپشىلىگى وسى ساندىق جۇيەگە كوشۋ ارقىلى ونەركاسىبىن وركەندەتىپ، حالقىنىڭ ءال-اۋقاتىن جاقسارتا تۇسۋدە.

باتىس قازاقستان وبلىسىنداعى مەكتەپتەرlءىڭ بارلىعى كومپيۋتەرلىك تەحنيكامەن تولىقتاي  قامتىلعان. مامىر ايىندا جەرگىلىكتى بيۋدجەت ەسەبىنەن اۋىستىرۋدى قاجەت ەتەتىن 1345 كومپيۋتەر ساتىپ الىندى. ەلباسىمىز «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى ەلگە جولداۋىندا «سيفرلىق ءبىلىم بەرۋ رەسۋرستارىن دامىتۋ، كەڭ جولاقتى ينتەرنەتكە قوسۋ جانە مەكتەپتەرىمىزدى بەينەقۇرىلعىلارمەن جابدىقتاۋ جۇمىستارىن جالعاستىرۋ قاجەتتىگىن» اتاپ كورسەتكەن بولاتىن. كەڭ جولاقتى ينتەرنەت جەلىسىنە وبلىس مەكتەپتەرىنىڭ 86 پايىزى قوسىلعان. سونداي-اق قاۋىپسىزدىكتى قامتاماسىز ەتۋ ماقساتىندا ءبىلىم بەرۋ ۇيىمدارىنىڭ 60،5 پايىزى بەينەكامەرالارمەن قامتاماسىز ەتىلگەن. بۇل جۇمىستار بيىل دا ءوز جالعاسىن تابۋدا.   

          وقۋ ۇردىسىنە جاڭارتىلعان ءبىلىم بەرۋ مازمۇنىنىڭ ەنۋى سيفرلىق ءبىلىم بەرۋ رەسۋرستارىن كۇندەلىكتى پايدالانۋعا جول اشتى. بۇل مىندەت ەلباسى جولداۋىندا دا كورىنىس تاۋىپ، وبلىستىڭ بارلىق مەكتەبى وتاندىق جانە الەمدىك ءبىلىم بەرۋ رەسۋرستارىن جيناقتاعان «Bilimland.kz» پورتالىن قولدانۋدا. بۇگىنگى تاڭدا پورتالدىڭ تىركەلىمىندە وبلىس بويىنشا 9470 پايدالانۋشى بار. 

          وبلىس مەكتەپتەرىنىڭ جارتىسىنان استامىن (58،6 پايىز) شاعىن جيناقتى مەكتەپتەر قۇرايدى، پايىزعا شاققاندا بۇل – 58،6. وقۋشىلاردىڭ ءبىلىم ساپاسىن كوتەرۋ جانە مۇعالىمدەرگە ادىستەمەلىك قولداۋ كورسەتۋ ءۇشىن اۋىلدىق جەرلەردەگى بارلىق شاعىن جيناقتى ءبىلىم ۇياسى «Bilimbook» كومپيۋتەر ترانسفورمەرلەرمەن قامتاماسىز ەتىلدى.  

     وقۋ بارىسىن اۆتوماتتاندىرۋ تەحنولوگيالارىنا، ونلاين ءبىلىم بەرۋ قۇرالدارىنا جانە ءمۇعالىم، وقۋشى، اتا-انا اراسىنداعى قارىم-قاتىناستىڭ زاماناۋي ادىستەرىنە قول جەتكىزۋ ماقساتىندا 171 ءبىلىم ۇياسى «Kundelik.kz» ەلەكتروندىق جۋرنالىنا قوسىلدى. قازىرگى ۋاقىتتا 10 مىڭعا جۋىق پەداگوگ، 81 مىڭنان استام وقۋشى، 65 مىڭنان استام اتا-انا جۇيەگە تىركەلگەن. بۇل جۇيەنىڭ تيىمدىلىگى – ساباق كەستەسىنىڭ جاي عانا ەنگىزىلۋىنە،  بارلىق سىنىپقا جانە جەكە وقۋشىلارعا ءۇي تاپسىرماسىن بەرىپ، ونىڭ ورىندالۋىن باقىلاۋدا ۇستاۋعا، ستاتيستيكالىق مالىمەتتەردىڭ اۆتوماتتى تۇردە جيناقتالۋىنا مۇمكىندىك بەرەدى.

          وسىدان عاسىرعا جۋىق ۋاقىت بۇرىن چەح جازۋشىسى كارەل چاپەك ءوزىنىڭ «ر.ۋ.ر» پەساسىنىڭ كەيىپكەرىن ەشبىر قولدانىستا بولماعان «روبوت» سوزىمەن اتاعان ەدى. جازۋشىنىڭ عاجايىپ وي ەركىندىگىنىڭ جەمىسى بولعان سول روبوتتار ۋاقىت وتە كەلە عىلىمنىڭ جەتىستىگى بولادى دەپ كىم ويلاعان ول كەزدە؟ روبوتوتەحنيكا – ءاربىر وقۋشىعا ينجەنەرلىك، نۇسقاۋشىلىق، شىعارماشىلىق يدەيالاردى ىسكە اسىرۋعا جانە ءوز الەۋەتىن كوتەرۋگە زور مۇمكىندىك بەرەتىن اۆتوماتتاندىرىلعان تەحنيكالىق جۇيەلەر قۇرۋمەن اينالىساتىن عىلىم. ول باعدارلامالاۋ مەن مەحانيكا سياقتى پاندەرگە سۇيەنەدى. قازىرگى ۋاقىتتا وبلىستىڭ 159 مەكتەبى روبوتوتەحنيكا قۇرىلعىلارىمەن جابدىقتالىپ، 5353 وقۋشى ۇيىرمەلەرگە قاتىسىپ ءجۇر. بيىل وبلىستىق ءبىلىم بەرۋدى اقپاراتتاندىرۋ ورتالىعىندا روبوتتى تەحنيكا كابينەتى جابدىقتالىپ، وقۋشىلار مەن مۇعالىمدەر ءۇشىن اپتالىق كۋرستار جوسپارلاندى. سونىمەن قاتار وقۋشىلار ءۇشىن جازعى دەمالىس لاگەرلەرىندە قۇلتەمىرلەردى قۇراستىرۋ بويىنشا وقىتۋ كۋرستارىن ۇيىمداستىرۋ جولعا قويىلدى.

        سيفرلاندىرۋ تەحنيكالىق جانە كاسىپتىك ءبىلىم بەرۋ ۇيىمدارىن دا اينالىپ وتكەن جوق. بۇل توڭىرەكتە دە ءبىرقاتار جۇمىستار اتقارىلۋدا. قازىرگى ۋاقىتتا ءتورت كوللەدج بەس ماماندىق بويىنشا ينتەراكتيۆتى مودۋلدەرمەن قامتاماسىز ەتىلدى. ءمودۋلدىڭ كومەگىمەن جۇمىسشى ماماندىقتاردىڭ ستۋدەنتتەرى ينتەراكتيۆتى ماتەريالدى ۇسىنۋ ارقىلى كەز كەلگەن قيىندىقتاعى تاپسىرمالاردى ۇيرەنەدى جانە 3D فورماتىندا ءتۇرلى ۇردىستەردى ىسكە اسىرادى. تەحنيكالىق جانە كاسىپتىك ءبىلىم بەرۋ باعىتىندا 2018 جىلدىڭ 1 قىركۇيەگىنە قاراي 32 كوللەدجدە وقىتۋ ۇردىسىنە «Platonus»  اۆتوماتتاندىرىلعان اقپاراتتىق جۇيەسىن ەنگىزۋ جوسپارلانۋدا.

          بيىلعى جىلدىڭ ءبىر ەرەكشەلىگى – 1 قاڭتاردان باستاپ ورال قالاسىندا مەكتەپكە دەيىنگى ۇيىمدارعا كەزەككە قويۋ جانە جولداما بەرۋ قىزمەتى اۆتوماتتاندىرىلدى. اتا-انالار ۇيدە نەمەسە جۇمىس ورنىندا وتىرىپ-اق گادجەتتەر ارقىلى بالاباقشالار تۋرالى مالىمەتتەردى، كەزەك ءتىزىمىن، سونىمەن بىرگە بالاباقشالاردىڭ ورنالاسقان ورنى، ءبىلىم بەرۋ باعدارلامالارى تۋرالى قوسىمشا مالىمەتتەردى بىلە الادى. بۇل ءوز كەزەگىندە اشىقتىق پەن شىنايىلىقتى قامتاماسىز ەتىپ، جەمقورلىقتىڭ الدىن الۋعا مۇمكىندىك بەرەدى. اتالعان جۇيە بارلىق اۋدان ورتالىقتارىندا ەنگىزىلمەك.

    قازىرگى قوعامدا اقپاراتتىق-كوممۋنيكاسيالىق تەحنولوگيانى دامىتۋ ساپالى ءبىلىم بەرۋدىڭ ءبىر بولىگىنە اينالدى. IT سالاسىنا باسىمدىق بەرىلىپ، وقۋشىلاردىڭ شىعارماشىلىق الەۋەتىن دامىتۋدا  IT  تەحنولوگيالارىنىڭ مۇمكىندىكتەرىن پايدالانۋ كۇن تارتىبىندە تۇر. بۇل ورايدا جاڭا وقۋ جىلىندا وبلىستىڭ مامانداندىرىلعان مەكتەپتەرىنىڭ بىرىندە اشىلاتىن IT ليسەيدىڭ ءوڭىرىمىزدىڭ ءبىلىم سالاسىن سيفرلاندىرۋعا قوساتىن ۇلەس سالماعى زور بولماق. سونداي-اق ۇستىمىزدەگى جىلدىڭ 1 ماۋسىمىندا «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا بەرىلگەن تاپسىرمالاردى ورىنداۋ، «سيفرلىق قازاقستان» مەملەكەتتىك باعدارلاماسى شەڭبەرىندە وبلىستا 15 IT سىنىپتار  اشۋ جوسپارلاندى. اتالمىش سىنىپتاردا ساباق بەرەتىن پەداگوگتاردى دايارلاۋ كۋرستارى ۇزاماي باستالادى.   

شولپان  قادىروۆا،

باتىس قازاقستان وبلىستىق  ءبىلىم

 باسقارماسىنىڭ  باسشىسى