دارىگەرلەر دەنيس تەندى نەگە امان الىپ قالا الماعانىن ءتۇسىندىردى. بۇل تۋرالى Tengrinews.kz تجازدى.

ورتالىق قالالىق كلينيكالىق اۋرۋحانانىڭ باس دارىگەرىنىڭ ورىنباسارى ەرجان ءقۇتتىعوجيننىڭ ايتۋىنشا، دەنيس تەن اۋرۋحاناعا ساعات 15.23-تە ءتۇستى.

"بارلىق تۋىسى مەن جاقىنىنا كوڭىل ايتامىن. كەنەتتەن كەلگەن ءولىم بولدى. كلينيكاعا اسا اۋىر جاعدايدا ءتۇستى. ەكى ساعاتتان اسا ۋاقىت بويى جۇرەگى مەن وكپەسىنە جانساقتاۋ شارالارى جۇرگىزىلدى. ءبىراق، امال نە، قايتىس بولدى. ومىرلىك ماڭىزى بار ورگاندارىنداعى جاراقاتتار تاڭىپ قايتىس بولدى"، - دەپ ءتۇسىندىردى دارىگەر.

دارىگەردىڭ ايتۋىنشا، كومەك بىردەن كورسەتىلدى.

مۇنىڭ الدىندا مانەرلەپ سىرعاناۋشى دەنيس تەننىڭ الماتىدا جاسالعان شابۋىلدان قايتىس بولعانى حابارلانعان ەدى.

بۇگىن الماتىدا بەلگىسىز بىرەۋلەر دەنيس تەندى پىشاقتاپ كەتكەن بولاتىن. وقيعا شامامەن 15.00-دە قۇرمانعازى مەن بايسەيىتوۆا كوشەلەرىنىڭ قيىلىسىندا بولعان. كەيىن قالالىق ءىىد وكىلدەرى دەنيس تەنگە اۆتوۇرىلار شابۋىل جاساعانىن مالىمدەدى. سويتسەك، سپورتشى ۇرىلاردىڭ ۇستىنەن تۇسكەن بولىپ شىقتى. 

دەنيس تەن - ق ر ەڭبەك سىڭىرگەن سپورت شەبەرى، 2014 جىلعى قىسقى وليمپيادا ويىندارىنىڭ قولا جۇلدەگەرى.