كەشە الماتى قالاسىندا بولعان جانتۇرشىگەرلىك وقيعا بۇكىل ەلدى ەسەڭگىرەتىپ تاستادى. مانەرلەپ سىرعاناۋ شەبەرى دەنيس تەننىڭ نەبارى 25 جاسىندا ۇرلىقشىلاردىڭ قولىنان قازا تاپقانى بۇكىل ەلدىڭ شامىنا ءتيىپ، اۋىر قازانىڭ باستى سەبەبى - ەلدەگى قاۋىپسىزدىك جۇيەسىنىڭ دۇرىس ەمەستىگىندە دەپ شۋلاستى جۇرت. 

"جاس چەمپيوننىڭ ءولىمى - ەلىمىزدەگى جەمقورلىق جۇيەسىنىڭ كەسىرى!" - دەگەن پىكىردى ايتىپ، جەلى قولدانۋشىلارى بىرىنەن سوڭ ءبىرى جاپپاي ق ر ىشكى ىستەر ءمينيسترى قالمۇحانبەت قاسىموۆتىڭ وتستاۆكاعا كەتۋىن تالاپ ەتۋدە. مۇنداي تالاپتى تەك قاراپايىم حالىق قانا ەمەس، ەلىمىزگە بەلگىلى ساياساتتانۋشىلار دا قولداۋدا.

بەلگىلى ەكونوميست، ساياساتتانۋشى مۇحتار تايجان ءوزىنىڭ Facebook پاراقشاسىندا بىلاي دەپ جازادى: "دەنيس نەگە جۇگىردى؟ اينەكتەر ءۇشىن جۇگىرگەن وق. ادىلەتتىك ءۇشىن جۇگىردى، ۇرىلاردى ۇستايمىن دەپ جۇگىردى. بىزدە وسىندا جىل بويى "اينەكتەردى تابامىز دەپ جازىپ جاتقان جوقپىز، تەك ادىلەتتىك ىزدەپ جازىپ ءجۇرمىز. ال "اينەكتەردى" بىزدەن، كەلەسى ۇرپاقتان كۇندە ۇرلاپ جۇرگەن ۇرىلاردىڭ قولىندا البەتتە "پىشاق، قارۋ" بولادى. سۇمىرايلار. جەمقورلىقتىڭ قۇربانى بولعان دەنيس، جەمقورلىقتىڭ.  كولىكتەردىڭ اينەكتەرى - جەمقور مەنتتەردىڭ بيزنەسى ەكەن".

"ىشكى ىستەر ءمينيستىرى قالمۇxانبەت قاسىموۆ!

سەن، "ەڭبەك اقىسىن تالاپ ەتكەن" شاراسىز مۇنايشىلاردى اياۋسىز اتىپ-قىرۋعا بۇيرىق بەرگەن، "ەلدەگى باسسىزدىقتار جويىلىسىن، ادام قۇقىقتارى ساقتالسىن" دەپ، تىڭدايتىن ەشكىم بولماعاسىن، كوشەگە پىكىرىن ايتىپ شىققان ازاماتتىق بەلسەندىلەردى اڭدىپ، قۋىپ-قۋدالاپ قاماعان. ودان دا تاپا-تالتۇستە ادام قانىن جۇكتەگەن قانىشەردى تاپ، سونى قۋ! تەك، جازىقسىز، كۇناسىز ادامدى "جازالاپ" شىعارما! كوشە-كوشەنى تىمىسكىلەپ جۇرەتىن قىزمەتكەرلەرىڭ قايدا؟!

قاسىموۆ، قىزمەتىنەن بوساتىلسىن!" - دەپ جازادى جەلى قولدانۋشىسى ناۋرىزباي سامەت ۇلى.

بەلگىلى زاڭگەر ايگۇل ورىنبەك تە ءوزىنىڭ Facebook پاراقشاسىندا بىلاي دەپ جازادى: "

ءقاۋىپسىز دامىعان ەل قايدا مينيستر قاسىموۆ مىرزا؟!

تاعى ءبىر جۇلدىزىمىزدى ساقتاپ قالا المادىق.
اينا ۇرلاعان بەيشارالار، چەمپيونىمىزدان ايىردى. 
وتىز دامىعان ەلگە كىرگەن قازاقستان ءوز حالقىنىڭ قاۋىپسىزدىگىن ساقتاي الماي وتىر.
23 ميلليونعا پايداسىز تيىن، ءمۇسىن قويعانعا ۇستا ءبىزدىڭ سورلى بيلىك.
پوليسيا جەمقورلىققا تولى، اقشا بەرگەن قىلمىس اشىلادى، اقشا بەرمەسەڭ سول كۇيى جابىق تۇرادى. ادامنىڭ ءومىرىن تيىن كورمەيدى ءبىزدىڭ ەل. بارلىق دۆورلارعا كامەرا ورناتىپ قويۋعا بولاتىن ەدى، ءبىراق بىزدىڭكىلەر ول اقشانى وففشور ارقىلى شەت ەل اسىرىپ وتىر. مەن بۇنداي ەلدە تۇرعىم كەلمەيدى. حالقىنىڭ قاۋىپسىزدىگىن ساقتاي المايتىن بيلىك كىمگە كەرەك قۇرمەتتى ەلباسى؟ 
ءمينيستردى وتستاۆكاعا جىبەرەتىن ۋاقىت كەلدى.
ادام ولتىرگەندەر، ۇرعاندار بوستاندىقتا، 
تاۋىق ۇرلاعاندار تەمىر توردىڭ ارتىندا وتىر وسى شىرىگەن جۇيەنىڭ ارقاسىندا!
رۋحاني جاڭعىرۋ قاشان بولادى؟
ول ءۇشىن تاعى قانشا حالىق ءولۋ كەرەك؟

جازىقسىز ولگەن ادامداردىڭ قانى سەندەردىڭ مويىندارىڭا!
قانىشەرلەر، ءاربىر جازىقسىز ولگەن ادام ءۇشىن، وسى ومىردە ۇرپاقتارىڭ جاۋاپ بەرسىن!"

جەلى قولدانۋشىلارى ق ر ىشكى ىستەر ءمينيسترىنىڭ وتستاۆكاعا كەتۋىن تالاپ ەتۋگە بايلانىستى، ءتىپتى، داۋىس بەرۋ جۇيەسىن دە قوسىپ قويعان.

"ىشكى ىستەر قىزمەتىنە كەلەيىك. قالمۇحانبەت قاسىموۆتىڭ وسى ورنىنان تاپجىلماي وتىرعانىنا 7 جىلدان اسىپ بارادى. وسىنشاما ۋاقىتتىڭ ىشىندە ىشكى ىستەر سالاسىندا قانداي رەفورما جاسالدى؟ تۇك تە جاسالعان جوق! كەرىسىنشە، ەلىمىزدىڭ جەر-جەرىندە پوليسيا تاراپىنان جاسالاتىن جەمقورلىق، زاڭ بۇزۋشىلىقتار مەن بىلىقتار كوبەيىپ كەتتى. ءتىپتى، ىشكى ىستەر مينيسترلىگىن بىلاي قويعاندا، ق.قاسىموۆپەن تۋىستىعىن العا تارتقاندار الماتى وبلىسىنىڭ ءتۇرلى اۋداندارىندا قونىشىنان باسىپ ءجۇر. ءبىر تالعار اۋدانىن مىسالعا الساق. 2007 جىلى ۇكىمەت ارنايى قاۋلى شىعارىپ، تالعار اۋدانىنا قاراستى تابيعاتى كوركەم سولداتسايدان "ناۋكوگراد" سالۋ ءۇشىن 100 گەكتار جەر بولەدى. بۇل جوبا الماتى وبلىسىنىڭ "سەرپىندى جوباسىنا" دا ەندى. 2009 جىلى الگى 100 گەكتار جەردە عالىمدار مەن ستۋدەنتتەر (بارلىعى 10 مىڭ ادام) تۇراتىن قالاشىقتىڭ ينفراقۇرىلىمىن جاساقتاۋعا "قازمۇنايگاز" ۇلتتىق كومپانياسى 5 ملرد دوللار بولەدى. ءبىراق "ناۋكوگرادتى" سالۋعا مۇرىندىق بولعان بۇركىتبايەۆ سول جىلدارى سوتتالىپ كەتەدى دە، ءىس اياقسىز قالادى. البەتتە، سوت 100 گەكتار جەردى تالعار اۋدانىنىڭ بالانسىنا قايتارادى. سونىمەن، ۇلكەن دابىرامەن باستالعان سەرپىندى جوبا سەرپىلمەگەن كۇيىندە جوق بولادى. بۇل دا ەشتەڭە ەمەس. دابىرا باسىلا سالىسىمەن، 2013-2014 جىلدارى سولداتسايداعى 100 گەكتار قولدى بولىپ كەتەدى. تالعار اۋدانى ءماسليحاتىنىڭ بۇرىنعى ءتورايىمى رايا حانىمنىڭ ايتۋىنشا، "جوعالعان جەر" سول كەزدەگى تالعار اۋدانىنىڭ اكىمى رايحان سادىقوۆانىڭ تۋىستارى ارقىلى "كەلمەسكە كەتكەن" كورىنەدى. ال رايحان سادىقوۆا بولسا - ىشكى ىستەر مينيسترىمەن جاقىن تۋىس بولىپ شىعادى. رايحان سادىقوۆا اۋداندى باسقارعان جىلدارى تالعار اۋدانىنا قاراستى بەلبۇلاق، تۇزدىباستاۋ، تالدىبۇلاق اۋىلدارىندا ارىقتار بۇزىلىپ، تەرەڭ سايلار كومىلىپ، ساتىلىپ جاتتى. تابيعي جولدارى بىتەلگەسىن، ءقازىر سول اۋىلداردى جىلدا سۋ شايادى. ءتىپتى، تالدىبۇلاقتا زيراتقا باراتىن جولدى دا جاۋىپ، ادامدار ءۇي سالىپ العان. اۋداندا ءبىر ۋچاسكە ەكى قۇجاتتان ۇلەستىرىلىپ، سونىڭ كەسىرىنەن تۇرعىندار ءالى بىر-بىرىمەن سوتتاسىپ ءجۇر. مەنىڭشە، قازىرگى ىشكى ىستەر ءمينيسترى دە بۇل قىزمەتكە لايىق ەمەس!" - دەيدى جۋرناليست توقتار جاقاش.