«مەن امەريكادا تۇك كورمەدىم. ەشقايدا شىقپادىم. امەريكاعا دەگەن قىزىعۋشىلىعىم دا شامالى. ول جەرگە تەك باپكەرىم ءۇشىن، سپورتشىعا جاسالعان جاعداي ءۇشىن عانا باردىم. مىسالى، ءبىر ساعاتتىق جەردە تۇرعان ديسنەيلەندكە دە باس سۇقپاپپىن. جالپى، شەتەلدە ءومىر سۇرۋگە دەگەن مەندە قىزىعۋشىلىق اتىمەن جوق. سەبەبى مەن، ەڭ بىرىنشىدەن، قازاقپىن. ويىم، مۇددەم، مەنتاليتەتىم قازاق. ال، «پاتريوتتىق دەگەن نە؟» دەگەن سۇراققا كەلسەك، ول جالىندى ءسوز ەمەس. ول، الدىمەن، ىس-ارەكەت. قاراپايىم مىسال، كوشەدە كەلە جاتىپ كوشە مادەنيەتىن، تازالىعىن ساقتاۋ. ادام مىنا ءومىردىڭ جالعان ەكەندىگىن ءتۇسىنىپ، ءومىردىڭ كەرەمەتتىلىگىن باعالاۋى ءتيىس. بۇل اقيقاتتى قابىلداعان ادام قاراپايىم بولادى. سوندىقتان دا قانشا تانىمال بولسا دا قاراپايىم بولىپ قالا بەرەدى»  دەپتى مارقۇم دەنيس تەن Kazakh TV جۋرناليستەرىنە بەرگەن سۇحباتىندا.