دەنيس تەنگە شابۋىل جاسادى دەگەن كۇدىكتى نۇرالى قياسوۆ قايعىلى وقيعا بولعان ورىندا تۇسىنىكتەمە بەردى. بۇل تۋرالى ستۆ ارناسى حابارلادى.
قۇرمانعازى جانە بايسەيىتوۆا كوشەلەرىنىڭ قيىلىسى قازىرگى ۋاقىتتا پوليسيا قىزمەتكەرلەرىنە تولىپ تۇر. كۋاگەرلەردىڭ ايتۋىنشا، پوليسەيلەر تەرگەۋ ەكسپەريمەنتىن جاساپ جاتقان كورىنەدى.
ۆيدەودان بايقاعانىمىزداي، قولدارى كىسەندەۋلى نۇرالى قياسوۆ دەنيس تەنگە قالاي تاپ بەرگەندەرىن ءتۇسىندىرىپ تۇر. ال جانىندا قارا كيىمدى ءارى بەتپەردە كيىپ اۆتومات ۇستاعان ادامدار تۇر.
ايتا كەتەيىك، قازاقستاندىق چەمپيوندى ۇرى ءارى قاندىقول قىلمىسكەر قۇرمانعازى مەن بايسەيىتوۆ كوشەلىرىنىڭ قيىلىسىندا پىشاقتاپ كەتكەن ەدءى. سونىڭ سالدارىنان دەنيس 3 ليترگە جۋىق قان جوعالتتى. دارىگەرلەر ونىڭ ومىرىمەن 2 ساعات بويى ارپالىستى، الايدا ناتيجەسىز بولدى. جۇلدىز ءبىر ساتتە ءسوندى دە قالدى.
