مەملەكەت باسشىسى نۇرسۇلتان نازاربايەۆ باس پروكۋرور ق.قوجامجاروۆقا جانە ىشكى ىستەر ءمينيسترى ق.قاسىموۆقا قازاقستاننىڭ ەڭبەك سىڭىرگەن سپورت شەبەرى دەنيس تەننىڭ ولىمىنە بايلانىستى ءىستى ەرەكشە باقىلاۋعا الۋدى، سونداي-اق تەرگەۋ شارالارىنىڭ ەگجەي-تەگجەيلى ءارى وبەكتيۆتى جۇرگىزىلۋىن قامتاماسىز ەتۋدى تاپسىردى. پرەزيدەنت اكىمشىلىگىنىڭ باسشىلىعىنا تەرگەۋ بارىسىن تۇراقتى باقىلاۋدا ۇستاۋ تاپسىرىلدى.
بۇل تۋرالى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ حابارلايدى.
ايتا كەتەيىك، قازاقستاندىق چەمپيوندى ۇرى ءارى قاندىقول قىلمىسكەر قۇرمانعازى مەن بايسەيىتوۆ كوشەلىرىنىڭ قيىلىسىندا پىشاقتاپ كەتكەن ەدءى. سونىڭ سالدارىنان دەنيس 3 ليترگە جۋىق قان جوعالتتى. دارىگەرلەر ونىڭ ومىرىمەن 2 ساعات بويى ارپالىستى، الايدا ناتيجەسىز بولدى. جۇلدىز ءبىر ساتتە ءسوندى دە قالدى.
