Qamshy.kz اقپارات اگەنتتىگىبۇگىن جاركەنتتەگى پانفيلوۆ اۋداندىق سوتىندا وتباسىمەن قاۋىشۋ ءۇشىن جۇڭگو مەن قازاقستان شەكاراسىن زاڭسىز كەسىپ وتكەن سايراگۇل ساۋىتبايدىڭ سوتى بولدى. پروكۋراتۋرا مەن ايىپتاۋشى تاراپ ۋاقىت سۇراعاندىقتان سوت 2018 جىلدىڭ 1 تامىزىنا شەگەرىلدى، دەپ حابارلايدى Qamshy.kz اقپارات اگەنتتىگىنىڭ ءتىلشىسى.
سوت وتىرىسىنا ەلدىڭ ءار وڭىرىنەن جۋرناليستەر مەن قوعام بەلسەندىلەرىنەن 100-گە جۋىق ادام جينالدى.
سايراگۇل ساۋىتبايدىڭ ادۆوكاتى ابزال قۇسپان سوتتىڭ كەيىنگە شەگەرىلۋىنەن كۇدىكتەنۋدىڭ قاجەتى جوق دەيدى. سوت پروسەسىندە بۇل قالىپتى جاعداي ەكەن.
بۇعان دەيىن سايراگۇل ساۋىتبايدىڭ سوتى ەكى مارتە وتكىزىلدى. 9 شىلدە كۇنى وتكەن العاشقى سوت وتىرىسى سوتتىڭ ورىس تىلىندە وتكىزىلۋىنە بايلانىستى كەيىنگە قالدىرىلعان. وندا سوتتىڭ قازاق تىلىندە ءوتۋى سۇرالدى. ناتيجەسىندە تالاپ قاناعاتتاندىرىلىپ، 13 شىلدەدە كەزەكتى سوت وتىرىسى ۇيىمداستىرىلدى. ايىپتالۋشى سايراگۇل ساۋىتباي قىتايدا ءوزىن ءولىم جازاسى كۇتىپ تۇرعانىن، قازاقستاندا كەز-كەلگەن جازاعا دايىن ەكەندىگىن ايتتى.
