الماتى اكىمى باۋىرجان بايبەك شۆەيساريانىڭ فەدەرالدى كەڭەسشىسى، ەكونوميكا، ءبىلىم جانە زەرتتەۋ فەدەرالدى دەپارتامەنتىنىڭ باسشىسى يوحانن شنايدەر-امماننمەن كەزدەستى. تاراپتار ساۋدا-ەكونوميكالىق بايلانىستاردى نىعايتۋ، ستارتاپتاردى قولداۋ جانە «Smart city» جوبالارىن جۇزەگە اسىرۋ ماسەلەلەرىن تالقىلادى.

تاۋەلسىزدىك جىلدارى ەكى ەل اراسىندا ءتۇرلى باعىتتار بويىنشا كەڭ سپەكتەرلىك سەرىكتەستىك ورنىقتى، بۇگىنگى كۇنى شۆەيساريا قازاقستاننىڭ ءۇشىنشى ءىرى شەتەلدىك ينۆەستورى بولىپ تابىلادى.

الماتىدا ساۋدا، مەديسينا، قارجى جانە باسقا سالالار بويىنشا شۆەيسارلىق كاپيتالمەن 94 كاسىپورىن جۇمىس ىستەيدى، تاۋار اينالىمى دا ارتا تۇسۋدە.

«ءبىز قازاقستانعا ءتۇرى سالادا جۇمىس ىستەيتىن بيزنەسمەندەردىڭ ۇلكەن دەلەگاسياسىمەن كەلدىك. ساپاردىڭ باستى ماقساتى – بۇرىننان بار سەرىكتەستىك قاتىناستى نىعايتۋ جانە جاڭا ىنتىماقتاستىقتى قالىپتاستىرۋ. شۆەيساريادا پايدالى قازبالار جوق، سوندىقتان ەل ەكونوميكاسى جاڭا تەحنولوگيا مەن قىزمەت كورسەتۋگە نەگىزدەلگەن. الماتى – جەدەل دامىپ كەلە جاتقان مەگاپوليس، باستى الەۋەتى ستارتاپتاردى دامىتۋعا باعىتتالعان. قالانىڭ گەوگرافيالىق ورنالاسۋى، دامىعان ينفراقۇرىلىمى الماتىنى بۇكىل ورتا ازيا ءوڭىرى بويىنشا بيزنەسمەندەردىڭ قىزمەتىن كەڭەيتۋدىڭ ايشىقتى الاڭىنا اينالدىرادى»، - دەپ اتاپ ءوتتى يوحانن شنايدەر-اممانن.

ساپار بارىسىندا الماتىدا باتىس ەۆروپالىق بيزنەسمەندەرمەن جەرگىلىكتى ىسكەرلىك ورتا وكىلدەرىنىڭ ۆ2ۆ كەزدەسۋى ءوتتى. شۆەيسارلىق دەلەگاسيا ارنايى ەكونوميكالىق جانە يندۋستريالدى ايماقتىڭ الەۋەتىن جانە «Smart Almaty» جوبالارىنىڭ جۇزەگە اسۋىن كوردى.

ايتا كەتەرلىگى، 2016 جىلى الماتى جانە لۋگانو قالالارى اكىمشىلىكتەرىنىڭ اراسىندا ساۋدا، ەكونوميكا، عىلىم، تەحنولوگيا، سونىمەن قاتار ءتۋريزمدى العا جىلجىتۋ، مادەني الماسۋ سالالارىن دامىتۋ جونىندەگى ىنتىماقتاستىق مەموراندۋمىنا قول قويىلعان بولاتىن.