شىلدەنىڭ 14ء-ى كۇنى الماتىدا وسى جىلعى العاش رەت تۇنگى ۆەلوشەرۋ وتەدى.
«سپورتتىق الماتى» باعدارلاماسى اياسىندا وتەتىن ۆەلوشەرۋدىڭ قاشىقتىعى 7 شاقىرىمدى قۇرايدى. كەز كەلگەن قالا قوناقتارى مەن تۇرعىندارى «نۇرلى تاۋ» بيزنەس ورتالىعىنا كەشكى 20:00-دە جينالۋى ءتيىس. سپورتتىق شارا 20:30-دا باستالادى.
اۋەسقوي ۆەلوشاباندوزدار ءال-فارابي داڭعىلىمەن كوتەرىلىپ، تۇڭعىش پرەزيدەنت ساياباعىندا مارەگە جەتەدى. مارەدە قاتىسۋشىلاردىڭ اراسىندا باعالى سىيلىقتار ويناتىلادى. باستى سىيلىق - ۆەلوسيپەد.
قاتىسۋشىلارعا ارنايى باس كيىمسىز (شلەمسىز) قاتىسۋعا تىيىم سالىنادى.
ايتا كەتەر جايت، بۇل ۆەلوشەرۋ «سپورتتىق الماتى» قالالىق باعدارلاماسىنىڭ قولداۋىمەن 2018 جىلى جوسپارلانعان 21 شارانىڭ ونىنشىسى سانالادى.
