باس پروكۋراتۋرانىڭ قۇقىقتىق ستاتيستيكا جانە ەسەپ كوميتەتىنىڭ مالىمەتى بويىنشا الماتىدا قىلمىس دەڭگەيى 2010 جىلدان بەرى ءتورت ەسە ارتقان. قالالىق قوعامدىق كەڭەس ءتوراعاسى راحمان الشانوۆتىڭ پايىمىنشا ونىڭ وزىندىك سەبەبى بار.
«بىرىنشىدەن 10 جىل ىشىندە ءبىزدىڭ قالا گەوگرافيالىق تۇرعىدا ءوستى. 2008 جىلى قالادا جاڭا الاتاۋ اۋدانى، ال 4 جىل بۇرىن ناۋرىزباي اۋدانى پايدا بولدى. حالىق سانى شامامەن ەكى ەسە ارتتى. ەكىنشىدەن ەسەپكە الۋ ادىستەمەسى دە وزگەردى. ياعني، 2014 جىلى جاڭا قىلمىستىق كودەكس كۇشىنە ەندى جانە قىلمىستى ەلەكتروندى تىركەۋ ەنگىزىلدى. بۇگىندە بۇل قالاي جۇمىس ىستەيدى؟ سوتقا دەيىنگى تەرگەۋدىڭ ءبىرىڭعاي رەەسترى ەنگىزىلدى، وعان قىلمىستىڭ سان الۋان ءتۇرى ەنگىزىلەدى. بۇل رەسپۋبليكا بويىنشا ەنگىزىلدى. وسىدان قىلمىستىڭ وسكەنى كورىنىپ تۇر جانە دە بارشا وڭىردەگى جاعداي وسىنداي. ۇشىنشىدەن، مەگاپوليس بولعاندىقتان وعان كەلۋشىلەر دە كوپ، سوندىقتان دا ىشكى كوشى-قوندى ەسكەرگەن ءجون» - دەپ ءتۇسىندىردى الشانوۆ.
ەستەرىڭىزگە سالا كەتەيىك، بۇگىندە قوعامدىق كەڭەس الاڭىندا الماتى قالاسىنىڭ قاۋىپسىزدىگىن جاقسارتۋ بويىنشا تىڭداۋ وتۋدە.
