31 ارنا بۇكىل الەم مەن قازاقستاننىڭ تۇكپىر-تۇكپىرىنەن  «I`m a singer Kazakhstan» شوۋىنا قاتىسۋعا نيەت بىلدىرۋشىلەردەن ءۇش اي بويى ءوتىنىش قابىلداۋمەن بولدى. ءسوتىپ، مىنە،  28 شىلدەدە ءوتىنىش قابىلداۋ اياقتالادى.  الدا جاڭا كەزەڭ – جەڭىسكە ۇمىتكەر ۇزدىكتەردى تاڭداۋ كەزەڭى!  

ايتا كەتۋ كەرەك، بيىل جوبا ۇيىمداستىرۋشىلارى تىم ۇلكەن جومارتتىق تانىتىپ وتىر. شوۋدىڭ جۇلدە قورىن 50 ميلليون (!)  تەڭگەگە كوتەرگەنىمەن قويماي، «I`m a singer Kazakhstan» جوباسىنا 16 جاستان باستاپ قاتىسۋعا رۇقسات ەتتى. وعان قوسا، كاسىبي تاجىريبە دە تالاپ ەتىلمەيدى. جوباعا قاتىسۋ singer.31.kz سايتىندا انكەتا تولتىرۋ كەرەك. دەمەك، قۇشتارلىق شوعى شوۋ باستالماي جاتىپ قىزا تۇسەدى دەگەن ءسوز، ويتكەنى باسەكەلەستەر سانى ارتىپ جاتىر. بىلتىر جوباعا قاتىسۋعا 3،5 مىڭنان استام كاسىبي ورىنداۋشىلار ءوتىنىش بىلدىرسە، بيىل، قاتىسۋ تالاپتارىنىڭ جەڭىلدەۋىنە بايلانىستى تالاپكەرلەر سانى ەكى ەسە كوبەيدى. الدا ولاردى قايناعان باسەكەلەستىك كۇتىپ تۇر!   

وعان قوسا، شوۋدىڭ اۋقىمى دا كەڭەيە ءتۇستى. بىرىنشىدەن، قاتىسۋشىلار الىپ ساحنادا ونەر كورسەتەدى جانە بۇرىنعىدان الدەقايدا كوپ نومەرمەن شىعادى. ەكىنشىدەن، اۋديتورياسى بىرنەشە ميلليون كورەرمەنگە كۇرت ءوستى. سەبەبى شوۋ ءبىر ۋاقىتتا ەكى ارنادان، ياعني 31 ارنامەن قاتار MUZZONE TV ارناسىنان جانە قاتىسۋشىلاردىڭ ءوز ەلدەرىندەگى ارنالاردان ەكرانعا شىعادى. ياعني، بۇل شوۋدىڭ قاتىسۋشىلارىن دۇنيەجۇزى تانيدى. ماسەلەن، «I`m a singer Kazakhstan» شوۋىنىڭ ءبىرىنشى ماۋسىمى الەمنىڭ التى ەلىندە ترانسلياسيالانىپ، 200 ميلليوننان استام ادام تاماشالاسا، بيىل «I`m a singer Kazakhstan» شوۋىنا قاتىسۋعا جۇڭگو، گرۋزيا، تۇركيا، ءتىپتى ءۇندىستاننان دا ءۇمىت بىلدىرگەندەر بار.

ەستەرىڭىزگە سالايىق. شوۋدىڭ ءبىرىنشى ماۋسىمىندا الەمنىڭ التى ەلىنەن كەلگەن 8 كاسىبي ءانشى ءبىرىنشى ورىن ءۇشىن تالاسقا تۇسكەن بولاتىن (ءبىرىنشى ماۋسىم تۋرالى تولىعىراق http://singer.31.kz سايتىندا).

جوبا كورەرمەندەر تاراپىنان ۇلكەن قىزىعۋشىلىققا يە بولدى. ونىڭ ۇستىنە، ولار زالدا وتىرىپ تا، سمس ارقىلى دا داۋىس بەرۋگە قاتىسقان بولاتىن. ال قازىلار القاسى ايگىلى ارتىستەردەن قۇرالدى. قىسقاسى، ۇيىمداستىرۋشىلار بيىل دا جۇلدىزدى قۇرام بولادى دەپ سەندىرۋدە، دەگەنمەن ساراپشى قازىلار قۇرامىنداعى 4 ادامنىڭ ەسىمى قۇپيا بولىپ قالا بەرمەك.

ورىنداۋشىلاردىڭ ونەرىن باعالاۋ ءۇشىن قازىلار القاسى تاراپىنان جوعارى كاسىبي دەڭگەي تالاپ ەتىلەدى. سەبەبى شوۋعا قاتىسۋعا اركىمنىڭ مۇمكىندىگى بولعانىمەن، قاتىسۋشى بايقاۋدىڭ حالىقارالىق دەڭگەيىنە لايىق ونەر كورسەتىپ، كۇللى الەمنىڭ الدىندا ۇياتقا قالماۋى قاجەت. سول سەبەپتى ءانشى جاقسى داۋىس يەسى عانا ەمەس، تاماشا دايىندىقپەن كەلۋى شارت. ءبىرىنشى ماۋسىمدا قاتىسۋشىلار كۇردەلى نومەرلەرمەن ساحناعا شىقتى. ونىڭ ىشىندە الەمدىك ەسترادانىڭ ءتۇرلى جانرداعى حيت اندەرى بولدى. بارلىعى وركەستردىڭ نەمەسە كاسىبي دجاز-بەندتىڭ سۇيەمەلدەۋىمەن ورىندالدى. ال بۇعان اركىمنىڭ شەبەرلىگى جەتە بەرمەسى انىق. 

«I`m a singer Kazakhstan» جوباسىنىڭ اۋقىمى، قامتىعان اۋماعى، دەڭگەيى، ورىنداۋشىلاردىڭ ساپاسى، جالپى ۇيىمداستىرىلۋى جاعىنان قازاقستاندىق تەلەنارىقتا ويىپ تۇرىپ ورىن الدى. ول جىل سايىن جەتىلىپ كەلەدى. ەكىنشى ماۋسىم بۇرىنعىدان دا قىزىقتى ءارى تارتىستى بولادى دەپ ۋادە بەرەمىز. سەبەبى جوبانى جاساۋعا 31 ارنانىڭ ەڭ مىقتى ماماندارى جۇمىلىپ كىرىسىپ جاتىر.