الماتى مۋزەيىندە «رۋحاني جاڭعىرۋ» زالى اشىلدى. وندا اتالمىش باعدارلاماعا ەنگەن جوبالارمەن تانىسۋعا بولادى. ماسەلەن، «قازاقستاننىڭ كيەلى جەرلەرىنىڭ گەوگرافياسى» جوباسى بويىنشا الماتى اۋماعىندا ورنالاسقان 6 نىسان كورسەتىلگەن. «تاۋەلسىزدىك تاڭى» مونۋمەنتى، «بورالداي ساق قورعاندارى» ارحەولوگيالىق پاركى، رايىمبەك باتىر كەسەنەسى مەن احمەت بايتۇرسىن ۇلىنىڭ مۋزەي ءۇيىنىڭ سۋرەتتەرى ءىلىنىپ، تاريحى تۋرالى ماعلۇمات ىلىنگەن. سونداي-اق اتالمىش زالدا «100 جاڭا ەسىم» جوباسىنا ەنگەن 20 جەرلەسىمىزدىڭ جەتىستىگى پاش ەتىلگەن. مۋزەيگە كەلۋشىلەر ولاردىڭ يگىلىكتى ىستەرىن ءبىلىپ، وسكەلەڭ ۇرپاققا ۇلگى ەتەرى ءسوزسىز. ال زالدىڭ ءبىر بولىگى قازاق ءالىپبيىن لاتىن قارپىنە كوشىرۋ جولىندا جاسالعان جۇمىستارعا ارنالعان. بولاشاقتا مۇندا قازاق تىلىندە باسىلاپ شىعاتىن 100 وقۋلىقتىڭ العاشقى نۇسقالارى ورىن تاپپاق.

«رۋحاني جاڭعىرۋ باعدارلاماسى بۇل ءبىر كۇندە، يا ءبىر جىلدا بىتەتىن نارسە ەمەس. بۇل دەگەن ۇلكەن، ۇلتتىق حالقىمىزدىڭ جاڭعىرۋ باعدارلاماسى. بۇل دەگەن وتە ۇزاق ۋاقىتقا سوزىلادى. بۇل ەكسپوزيسيامىز دا سول باعدارلاما بويىنشا كورسەتىلگەن جوبالاردىڭ دامۋىنا بايلانىستى تولىقتىرىلىپ تۇرادى»،- دەدى الماتى قالاسى مۋزەيلەر بىرلەستىگى ديرەكتورىنىڭ دامۋ جونىندەگى ورىنباسارى قايرات تاربايەۆ.

بۇدان بولەك، «رۋحاني جاڭعىرۋ» زالىندا جەرگىلىكتى ماڭىزى بار عيماراتتاردىڭ، تاريحي ەسكەرتكىشتەر مەن مۋزەيلەردىڭ تاريحىمەن تەرەڭىنەن تانىسۋعا مۇمكىندىك بار. مارتەبەلى تىزىمدە كوكتوبە مەن مەدەۋ مۇز ايدىنى دا كورسەتىلگەن.