الماتىدا 1 قىركۇيەكتە قوقىس وڭدەيتىن جاڭا كەشەن اشىلادى. 

«2017 جىلى جەلتوقساندا مەملەكەتتىك-جەكە مەنشىك ارىپتەستىك اياسىندا الماتىدا قاتتى تۇرمىستىق قالدىقتاردى باسقارۋ جوباسىن ىسكە اسىرۋ تۋرالى كەلىسىمگە قول قويىلدى »، - دەدى قالالىق تابيعي رەسۋرستار مەن تابيعات پايدالانۋدى رەتتەۋ باسقارماسىنىڭ باسشىسى اسەت ماسابايەۆ.

ونىڭ ايتۋىنشا، جوبا اياسىندا قوقىستى بولەك جيناۋ، قوقىستى قايتا وڭدەۋدى كەزەڭ-كەزەڭىمەن ەنگىزۋ جوسپارلانىپ وتىر. 

كەشەننىڭ ءوزى الاتاۋ اۋدانىندا ورنالاسقان.

«قازىرگى تاڭدا قۇرىلىس جۇمىستارى كۇنتىزبەلىك كەستەدەن قالىپ قويدى. ادمينيستراتور مەملەكەتتىك-جەكە مەنشىك ارىپتەستىك اياسىندا بەلگىلەنگەن ۋاقىتتا ينجەنەرلىك جەلىلەردى جۇرگىزىپ بىتىرە المادى. وسىعان بايلانىستى مەملەكەتتىك ساتىپ الۋ كونكۋرسى ەكى رەت ءوتتى. سوندىقتان، قوقىس وڭدەۋ زاۋىتىن پايدالانۋعا بەرۋ ۋاقىتى 1 قىركۇيەككە قالدىرىلدى»، - دەدى ءا.ماسابايەۆ.