ترامپ پەن ءپۋتينننىڭ حەلسينكيدەگى كەزدەسۋىنىڭ ءىزى سۋىماي جاتىپ، دۇنيە ءجۇزىنىڭ اقپارات قۇرالدارى – بۇل ەكى پرەزي دەنتتى قانداي قۇدىرەت بايلانىستىرىپ تۇرعانى جونىندە جارىسا جازعانى بەلگىلى.
: https://censor.net.ua/n3078368 (25.07.18 23:09) سايتىندا: «اقش پرەزيدەنتى دونالد ترامپ پەن رەسەي پرەزيدەنتى ۆلاديمير ءپۋتيننىڭ وسى كۇزدە وتۋگە ءتيىس اق ۇيدەگى باسقوسۋى توتەنشە ىسپەن اينالىسىپ جاتقان اقش پروكۋرورى روبەرت ميۋللەردىڭ 2016 جىلعى اقش پرەزيدەنتتىگىنە سايلاۋ ناۋقانى تۇسىندا ترامپ شتابى وكىلدەرى رەسەيمەن ەكى جاقتى ۋاعدالاستىق بولعانى اشىلاتىنىنا بايلانىستى بەلگىسىز ۋاقىتقا شەگەرىلدى»-دەپ حابارلايدى.
ءبىزدىڭ قازاق مۇنداي جاعدايدى: «جەل سوقپاسا – ءشوپتىڭ باسى قوزعالمايدى»- دەپ باياعى دا-اق ايتىپ قويعانى بەلگىلى.
ترامپتىڭ پۋتين دەسە ەمەشەگىنىڭ ءۇزىلىپ تۇرعانى تۋراسىندا بۇدان بۇرىن جازدىق تا.
ءبارىمىزدى امالسىز ويعا جەتەلەيتىن نارسە اقش پرەزيدەنتى ترامپتىڭ رەسەي پرەزيدەنتى پۋتينمەن قايتا-قايتا كەزدەسە بەرگىسى كەلەتىنىڭ سىرى نەدە ەكەنى تاعى دا بەلگىسىز. رەسەي پرەزيدەنتى پۋتين ترامپەن كەزدەسۋگە قۇلشىنىپ تۇرماعان سياقتى. ال، ترامپ بولسا پۋتينمەن تاعى دا كەزدەسۋگە ەرەكشە قۇشتار ەكەنىن ەشكىمنەن دە جاسىرمايدى.
ايتەۋىر اقش پرەزيدەنتى مەن رەسەي پرەزيدەنتى تۋراسىنداعى بۇل اڭگىمەنىڭ ايتەۋىر تەگىن ەمەس ەكەنى تاعى دا ايداي اقيقات سياقتى. ال، بۇل قىزىق اڭگىمەنىڭ ءالى قانشاعا سوزىلاتىنى دا بەلگىسىز...
جۇماش كوكبورى
پىكىر قالدىرۋ