بۇگىن ترياتلوننان وتكىزىلەتىن تۋرنيرگە بايلانىستى ب. مومىش ۇلى داڭعىلى، سارايشىق، شالقىما، شارل دە گولل كوشەلەرى قوزعالىس ءۇشىن ءىشىنارا جابىق بولادى، دەپ حابارلايدى استانا اكىمدىگىنىڭ رەسمي سايتى. 

اكىمشىلىك پوليسيا باسقارماسى ترياتلوننان تۋرنير وتكىزۋ كەزىندە قالا كوشەلەرىنىڭ كەلەسى ۋچاسكەلەرىندە قوزعالىسقا ءىشىنارا شەكتەۋ ەنگىزىلگەنىن ەسكەرتەدى: 

مومىش ۇلى داڭعىلى: تاۋەلسىزدىك كوشەسىنەن قوشقاربايەۆ كوشەسىنە دەيىنگى ارالىق؛ 

سارايشىق كوشەسى: مومىش ۇلى داڭعىلىنان م-1 كوپىرىنە دەيىنگى ارالىق (قوعامدىق كولىكتەن باسقاسىنا)؛ 

شالقىما كوشەسى: سارايشىق كوشەسىنەن الييەۆ كوشەسىنە دەيىنگى ارالىقتا جول-جونەكەي كولىكتىڭ قوزعالىسى تولىقتاي شەكتەلدى. 

شارل دە گولل كوشەسى: توقپانوۆ كوشەسىنەن شالقىما كوشەسىنە دەيىنگى ارالىقتا كولىك قوزعالىسى تولىقتاي شەكتەلدى. 

تۋرنير قاتىسۋشىلارى ءجۇزۋ، ۆەلوجارىس جانە جۇگىرۋ سياقتى سايىستاردا كۇش سىناسادى. جارىس ترياتلون ساياباعى اۋماعىنداعى ەسىل وزەنى ماڭىندا ءوتىپ جاتىر.