ورتەنگەن جەرلەردىڭ جالپى الاڭى 2800 گا قۇرايدى. بۇل تۋرالى اقتوبە وبلىسىنىڭ وڭىرلىك كوممۋنيكاسيالار قىزمەتىندەگى باسپا ءسوز كونفەرەنسياسىندا وبلىستىق تجد ءورت قاۋىپسىزدىگى سالاسىنداعى باقىلاۋ جانە الدىن-الۋ قىزمەتى باسقارماسىنىڭ باستىعى ەۆگەنيي وۆچارسكيي حابارلادى.

«اعىمداعى جىلى دالا ورتتەرى تىركەلىنگەن جوق. 73،7 گا جەردە 7 ورمان ءورتى بولدى. ەرىكتى ءورت ءسوندىرۋ قۇرىلىمدارىنىڭ جينالۋى، شىعۋى جانە ءورتتى ءسوندىرۋى جانە ولاردىڭ باسقا قىزمەتتەرمەن ءوزارا بايلانىسى بويىنشا داعدىلاردى قالىپتاستىرۋ ماقساتىندا اقتوبە قالاسى مەن وبلىس اۋداندارىندا 31 ءورت سوندىرۋ-تاكتيكالىق وقۋ-جاتتىعۋلار وتكىزىلدى.

ەلدى-مەكەندەردە 343 ەرىكتى ءورت ءسوندىرۋ قۇرىلىمدارى قۇرىلدى، ولارعا 3211 ادام كىرەدى»، - دەدى ەۆگەنيي وۆچارسكيي. قۇرىلىمداردا 789 بىرلىك ىڭعايلاستىرىلعان تەحنيكا، 8 8 ءورت ءسوندىرۋ ءاۆتوموبيلى. 202 ءورت ءسوندىرۋ موتوپومپا مەن 1519 اسپالى بۇرىككىشتەر بار. سونداي-اق، رەسپۋبليكالىق جانە وبلىستىق ماڭىزداعى جولداردىڭ، ورمان شارۋاشىلىعى مەكەمەلەرىنىڭ، تەمىرجولداردىڭ بويىن ورتكە قارسى جىرتۋ جونىندەگى الدىن-الۋ ءىس-شارالارى جۇرگىزىلدى، 22،5 ملن.تەڭگە سوماسىنا ىرعىز، قارعالى، حرومتاۋ، شالقار جانە العا اۋداندارىندا ءورت شىعۋىن باقىلاۋ ورىندارى قۇرىلدى.

تۇتاستاي العاندا وبلىس اۋماعىندا 9 ءورت شىعۋىن باقىلاۋ ورىندارى جۇمىس ىستەيدى.