جامبىل وبلىسىندا جۇك ۆاگوندارى رەلستەن شىعىپ كەتتى، - دەپ حابارلايدى Tengrinews.kz.

ۇلتتىق كومپانياداعىلاردىڭ ايتۋىنشا، وقيعا 31 شىلدەدە ساعات 08.05-تە بولعان، جۇك پويىزى مويىنتى - شىعاناق قاشقانتەڭىز - جاستار ارالىعىنداعى اۋماقتا ءجۇرىپ بارا جاتىپتى. سول كەزدە جۇك ۆاگوندارى جولدان شىعىپ كەتكەن.

جۇك ۆاگوندارىنىڭ جولدان شىعىپ كەتۋىنە بايلانىستى جولاۋشىلاردىڭ بەس پويىزى ۋاقىتىنان كەشىكتىرىلدى. 

استانا - سارىاعاش جولاۋشىلار پويىزى ءوز باعىتى بويىنشا جۇرە الماي تۇر. جولسەرىكتەردىڭ مالىمەتتەرى بويىنشا، ۆاگونداردىڭ جولدان شىعىپ كەتۋىنىڭ سالدارىن جويۋ ءۇشىن شامامەن بەس ساعات كۇتۋ كەرەك.

"الدىن الا مالىمەت بويىنشا، ۆاگونداردىڭ رەلستەن شىعىپ كەتۋىنە 28-ۆاگون قاپتالىنداعى رامانىڭ سىناۋى سەبەپ بولعان، يەسى - "يستكومترانس" ج ش س. شۋ جانە سارىشاعان ستانسيالارىنىڭ قالپىنا كەلتىرۋ پويىزدارى ىسكە كىرىستى. بەس جولاۋشىلار پويىزى كەشىكتىرىلدى. جولدى اشۋ ۋاقىتى شامامەن 18.00. زارداپ شەككەندەر جوق"، - دەدى باسپا ءسوز قىزمەتىندەگىلەر.

كومپانيا وكىلدەرىنىڭ ايتۋىنشا، اپاتتان كەلگەن شىعىندى جۇك ۆاگوندارىنىڭ يەسى وتەيدى. "ۇلتتىق كومپانيادا بۇل وقيعانى تەرگەۋ بويىنشا ارنايى كوميسسيا قۇرىلدى"، - دەدى باسپا ءسوز قىزمەتىنىڭ ماماندارى.