وسكەمەن قالاسىنىڭ 6 جاسار تۇرعىنى رايانا سكوۆورودنيكوۆا بۇيرەك قاتەرلى ىسىگىنە شالدىققان ەدى. ول جاپونيا استاناسى توكيو قالاسىندا كوز جۇمدى دەپ جازادى Qamshy.kz اقپارات اگەنتتىگى sputniknews.kz سايتىنا سىلتەمە جاساپ. 

قىزدىڭ اناسى ايتقانداي، رايانا قاتەرلى ىسىكتەن قايتىس بولماعان، ءبۇلدىرشىننىڭ جۇرەگى توقتاپ قالعان ەكەن.

"جاپون دارىگەرلەرى قولدان كەلگەننىڭ ءبارىن ىستەدى، قاسىندا بولۋىما جاعداي جاسادى. (…) ەندى رايانانىڭ دەنەسىن قازاقستانعا الىپ كەلۋمەن اينالىسامىن. قانشا ۋاقىت كەتەرىن بىلمەيمىن، ۇيگە قايتقىمىز كەلەدى"، — دەپ جازادى قىزدىڭ اناسى ەكاتەرينا كيرچەنكو الەۋمەتتىك جەلىدە.

ايەل ادام اتاپ وتكەندەي، قازاقستاننىڭ كونسۋلدارى ءمايىتتى جەتكىزۋگە جاردەمدەسپەك ەكەن.

"بىرەۋلەر: "سول جاقتا جەرلەڭدەر"، — دەيدى. وعان جول بەرە المايمىن: بۇل جەردە ادامدى جەرلەمەيدى، ءمايىتىن ورتەيدى، مۇندا ءتىپتى مۇسىلماندار دا از. ولاي ەتە المايمىن"، — دەيدى ەكاتەرينا كيرچەنكو.