ق ر قوعامدىق دامۋ مينيسترلىگىنىڭ قوعامدىق كەلىسىم كوميتەتى (بۇدان ءارى – كوميتەت) 2018 جىلعى 2 تامىزدا ب ا ق بەتتەرىندە جارىق كورگەن قازاقستاندا مەكتەپكە جاقىن ورنالاسقان مەشىتتەر سۇرىلەدى دەگەن اقپاراتتىڭ شىندىققا جاناسپايتىنىن حابارلايدى، دەپ جازادى Qamshy.kz اقپارات اگەنتتىگى. 

ويتكەنى ەلىمىزدە 2018 جىلعى ءساۋىر ايىندا 300 مەتر اۋماقتا ورنالاسقان بارلىق مەشىتتەردى بۇزاتىن ەرەجە نەمەسە ءدىني عيماراتتاردىڭ قۇرىلىسىن رەگلامەنتتەيتىن جاڭا نورمالار قابىلدانعان جوق.

وسى جەردە تۇسىنىسپەۋشىلىكتىڭ تۋىنداعانى انىق. قازىرگى ۋاقىتتا، قولدانىستاعى زاعنامالارعا مۇقيات ءۇڭىلىپ قارايتىن بولساق ب ا ق بەتتەرىندە جاريالانعان اقپاراتتىڭ بىر-بىرىنەن الشاق كەتىپ جاتقانىن انىقتاۋعا بولادى.

قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترىنىڭ 2017 جىلعى 9 ماۋسىمداعى № 89 بۇيرىعىمەن بەكىتىلگەن «ءدىني ادەبيەتتى جانە ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تاراتۋ ءۇشىن ارنايى ستاسيونارلىق ءۇي-جايلاردىڭ، سونداي-اق عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردىڭ ورنالاستىرىلۋىن ايقىنداۋ جونىندەگى» نۇسقاۋلىقتىڭ 7-تارماعىنا سايكەس، ءدىني ءىس-شارالاردى وتكىزۋگە ارنالعان ءۇي-جاي تەمىر جول جانە اۆتوۆوكزالداردى، اۋەجايلار مەن پورتتاردى قوسپاعاندا، وسى نۇسقاۋلىقتىڭ 5-تارماعىنىڭ 3) تارماقشاسىندا كورسەتىلگەن اۋماقتار مەن عيماراتتاردان (ولارعا ىرگەلەس اۋماقتار بولماعان جاعدايدا) 300 مەتردەن كەم ەمەس قاشىقتىقتا ورنالاستىرىلادى دەپ كورسەتىلگەن.

بۇل تالاپ ساۋدا ورتالىقتارىنىڭ ىشىندە، اۋەجاي، ساپارجاي جانە تەمىر جول ۆوكزالدارىندا ورنالاسقان، ءدىني قۇلشىلىقتى ورىنداۋعا ارنالعان عيبادات ەتۋ بولمەلەرىنە قاتىستى.

 ال، مەشىتتەر نەمەسە باسقا دا ءدىني بىرلەستىكتەرگە تيەسلى ءدىني عيماراتتار ءۇشىن جوعارىداعى تالاپتار قويىلمايدى.

بۇل جاعداي باسقا نورمالارمەن رەتتەلەدى.

 اتاپ ايتقاندا، عيبادات ۇيلەرىن سالۋ  قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 23 ساۋىردەگى № 147 بۇيرىعىمەن بەكىتىلگەن «عيبادات ۇيلەرىن (عيماراتتارىن) سالۋ جانە ولاردىڭ ورنالاساتىن جەرىن ايقىنداۋ تۋرالى شەشىم بەرۋ» مەملەكەتتىك كورسەتىلەتىن قىزمەت ستاندارتىمەن رەتتەلەدى جانە وسى ستاندارتتا  300 مەترگە قاتىستى ەشقانداي تالاپ قويىلماعان.

جوعارىدا بەكىتىلگەن ستاندارتقا سايكەس تالاپ ەتىلەتىن قاجەتتى قۇجاتتار تىزبەسى:

      1) وسى مەملەكەتتىك كورسەتىلەتىن قىزمەت ستاندارتىنا 1-قوسىمشاعا سايكەس نىسان بويىنشا ءوتىنىش؛

         2) جەكە تۇلعالار ءۇشiن – جەكە باسىن كۋالاندىراتىن قۇجاتتىڭ كوشiرمەسi نەمەسە زاڭدى تۇلعالار ءۇشiن – سالىستىرىپ تەكسەرۋ ماقساتىندا قۇجاتتاردىڭ ءتۇپنۇسقاسىن مىندەتتى تۇردە ۇسىنا وتىرىپ، ءدىني بىرلەستىكتى مەملەكەتتىك تىركەۋ (قايتا تىركەۋ) تۋرالى كۋالىكتىڭ نەمەسە انىقتامانىڭ كوشiرمەسi؛

     3) تىركەلگەن ءدىني بىرلەستىكتىڭ باسشىسى قول قويعان عيبادات ءۇيىن (عيماراتىن) سالۋ تۋرالى ەركىن نىسانداعى نەگىزدەمە (عيبادات ءۇيىنىڭ (عيماراتىنىڭ) اتاۋى جانە ءدىني بىرلەستىككە تيەسىلى قۇرىلىستىڭ ماقساتى، اتالعان اكىمشىلىك-اۋماقتىقتا تۇراتىن (اۋىل، ەلدىمەكەن، اۋىلدىق وكرۋگ، قالاداعى اۋدان، قالا، اۋدان، وبلىس) ءدىني قاجەتتىلىگىن قاناعاتتاندىرۋعا مۇقتاج ادامداردىڭ سانى مەن ءدىني عيماراتتا قىزمەت بەرەتىن ءدىني قىزمەتكەرىنىڭ كانديداتۋراسى؛

      4) عيبادات ءۇيىن (عيماراتىن) سالۋ جوسپارلانىپ وتىرعان اۋماقتا جەرگىلىكتى قوعامداستىق جينالىسىنىڭ (جيىنىنىڭ) عيبادات ءۇيىن (عيماراتىن) سالۋعا (جاقىن ماڭدا عيبادات ءۇيى (عيماراتى) اۋماعىمەن شەكتەسەتىن (سونىمەن قاتار، شەكارا ارالىعىندا سەرۆيتۋت، اۆتوموبيل جولى وتەتىن بولسا) تۇرعىن ۇيلەر بولعان جاعدايدا ۇسىنىلادى) كەلىسەتىنى تۋرالى شەشىمىنىڭ كوشىرمەسى.

وسى ورايدا، 300 مەتردەن كەم ەمەس قاشىقتىقتا ورنالاسۋ شارتى تەك قانا ءدىني زاتتاردى ساتاتىن دۇكەندەر جانە عيبادات ۇيلەرىنەن (مىسالى، مەشىتتەر) تىس جەرلەردە ءدىني ءىس-شارالاردى وتكىزۋگە ارنالعان ورىندارعا عانا قولدانىلادى.

سوندىقتان قوعامنىڭ مەشىتتەر نەمەسە باسقا ءدىن وكىلدەرىنىڭ ءدىني عيماراتتارى سۇرىلەدى دەپ دۇرلىگۋىنە ەشقانداي نەگىز جوق دەپ سەندىرە الامىن.

ق ر قوعامدىق دامۋ مينيسترلىگىنىڭ قوعامدىق كەلىسىم كوميتەتى ءتوراعاسىنىڭ ورىنباسارى م.ا. بالعابەك مىرزايەۆ