جۋىردا ينتەرنەت جەلىسىنەن الماتىدا «Alma Club-ىنىڭ» اشىلىپ، سول جەردە تەگىن قازاق تىلىنەن ساباق بەرىلەتىنىن ەستىگەنىمدە قاتتى قۋاندىم. ءقازىر قازاق ءتىلى - وزەكتى ماسەلە بولىپ تۇر، وكىنىشكە وراي ءتىلدى بىلمەيتىندەر كوپشىلىك. قازاقستانداعى ەڭ العاش ءتىل ۇيرەتۋ كلۋبىنىڭ نەگىزىن قالاۋشى امان كەنجەباي ۇلى مىرزاعا حابارلاسىپ كلۋب جايىندا اڭگىمە قوزعاعان ەدىم:
- نەگىزى وسىنداي كلۋبتى اشۋ باياعىدان ويىمدا ءجۇر ەدى، شىڭعىس، يسلام دوستارىممەن اقىلداسىپ، ءبىر جۇما اياسىندا ىسكە اسىردىق. قازاق ءتىلى ول - مەملەكەتتىك ءتىل، كىم نە دەسە دە، ءبىراق بولاشاقتا ءبارى قازاقشا بولدى. سوندىقتان ءبىزدىڭ ازاماتتار قينالماي، قىسىلماي قازاق تىلىندە سويلەۋگە دايىن بولۋ كەرەك. كوبىنەسە ادامدار قاتە سويلەپ قويامىن، اكسەنتىم بار دەپ ۇيالىپ، قىسىلادى، ال ءبىزدىڭ ماقساتىمىز – ولارعا انىق جانە اكسەنتسىز قازاقشا سويلەۋدى ۇيرەتۋ. ءتىلدى مۇلدە بىلمەيتىندەرگە باسىنان باستاپ وقىتامىز، ءبىز ولاردى قوعامدا قازاقشا سويلەتۋىمىز كەرەك. كوبىنەسە قازاق نەمەسە وزگە ۇلت وكىلى قازاق تىلىندە ناشار سويلەسە وعان ورىس تىلىندە جاۋاپ بەرە سالادى، ول دۇرىس ەمەس. ەگەر كەرىسىنشە ءتىلدى بىلمەگەندەرمەن قازاق تىلىندە كوپ سويلەسسەك ولارعا جاقسى تاجىريبە بولار ەدى. ەكى وقىتۋشىمىز بار، ەسكەندىر جانە يانا دەگەن جاس ماماندار. جاستارى 23 جانە 25-تەردە. ەسكەندىر اۋدارماشى، پوليلگلوت. يانا زاڭگەر.
- ءقىمنىڭ مەتوديكاسىن پايدالاناسىڭدار؟
- قانات تاسىبەكوۆتىڭ مەتوديكاسىن قولدانىپ ءجۇرمىز.
- ءقازىر كلۋبتىڭ جاعدايى قالاي، قاتىسۋشىلار كوپ پە؟
ءقازىر كۋرسقا 20 شاقتى ادام كەلىپ ءجۇر، نەگىزى حابارلاسىپ جازىلىپ جۇرگەن ادامدار كوپ. كەلەم دەۋشىلەرگە ەسىك ءاردايىم اشىق.
- الدا وسىنداي كلۋبتاردى باسقا دا قالالاردا اشۋ جوسپارلارىڭىز بار ما؟
- ءيا وي، جوسپارلارىمىز كوپ، ءبىراق ازىرشە وسى كلۋبتى ءوسىرىپ، دامىتقىمىز كەلەدى.
جانە دە مەن فەيسبۋكتاعى پاراقشالارىڭىزدان «اليبابا» كوفەحاناسىدا كىتاپحانا بار ەكەنىن وقىدىم، ول نە كىتاپتار؟ جانە ول كىتاپحانانىڭ اشىلۋ ماقساتى قاڭداي؟
-ول جەردە ءاربىر قوناق وتىرىپ كىتاپ وقي الادى، كوبىنەسە تاريحي كىتاپتار، كوپ قوناقتارىمىز كىتاپتارىن سىيعا تارتىپ، تاستاپ كەتىپ جاتادى. اجەپتاۋىر كىتاپ جينالىپ قالدى. ءقازىر كىتاپ وقيتىن ادامدار از بولىپ بارادى، ماقساتىمىز كىتاپ وقۋعا قىزىعۋشىلىقتى ارتتىرۋ.
مىنە وسى امان سياقتى ەلىمىزدە ءتىلىمىزدىڭ دامۋىنا ات سالىسىپ جۇرگەن ەرلەرىمىزدىڭ ەڭبەكتەرى جەمىسىن بەرىپ، بولاشاقتا قازاق تىلىندە بۇكىل ازامتتارىمىز سويلەپ كەتسە، نۇر ۋستىنە نۇر بولار ەدى.
سۇقباتتاسقان قىمبات كەرەيباي
