2018 جىلى ءبىلىم بەرۋ گرانتتارىن قازاق دياسپوراسىنىڭ 862 وكىلى الدى، - دەپ حابارلايدى Tengrinews.kz. سيپاتتاماعا قاراعاندا، كۆوتالار قازاقستان رەسپۋبليكاسى ازاماتى ەمەس، ەتنيكالىق قازاقتارعا بولىنگەن.
ق ر ازاماتى ەمەس ەتنيكالىق قازاقتاردىڭ ەڭ جوعارى بالى 133 ەكەن، مۇنداي كورسەتكىشكە ەكى تالاپكەر قول جەتكىزگەن. ولار "جالپى مەديسينا" جانە "تاسىمالداۋدى ۇيىمداستىرۋ جانە قوزعالىستى ۇيىمداستىرۋ" ماماندىقتارى بويىنشا ءبىلىم الادى.
دياسپورادا ەڭ تومەنگى بالل 25 جانە 26. 25 بالل جيناعان تۇلەك "دەنە شىنىقتىرۋ جانە سپورت" ماماندىعىنا گرانتقا ءتۇستى. 26 بالل العان تالاپكەر بولسا "مەكتەپكە دەيىنگى وقىتۋ" ماماندىعىن تاڭداعان. گرانت العانداردىڭ قاتارىندا 27، 29، 31 جانە 33 بالل جيناعاندارى بار.
132، 129 جانە 128 بالل العان بىرنەشە تۇلەك ءتىس دارىگەرى ماماندىعىن تاڭداپ وتىر ەكەن.
ەسكە سالايىق، بۇگىن ءبىلىم گرانتى يەگەرلەرىنىڭ تولىق ءتىزىمى جاريالانعان.
