الماتىدا «دەمالىستا ەكەۋىمiز الماتىعا جەتەرمiز!» ۇرانىمەن تۋريستەر مەن قازاقستاننىڭ وڭىرلەرىنەن كەلگەن قوناقتاردى دەمالىس كۇندەرى مەن كانيكۋلدارىن مەگاپوليستە وتكىزۋگە تارتۋ باعىتىنداعى اۋقىمدى رەسپۋبليكالىق اكسيا باستالدى.
اكسيا 5 نەگىزگى باعىتتى العا تارتىپ وتىر: ادام اياعى باسپاعان تابيعات، ويىن-ساۋىق جانە تۇنگى ءومىر، كورىكتى جەرلەر، گاسترونوميا جانە ساۋدا.
بۇل ساياحاتقا شىعۋ ءۇشىن الماتىنى تاڭداۋ مۇمكىندىگىن العا جىلجىتۋعا باعىتتالعان ەكىنشى اقپاراتتىق تولقىن. ءبىرىنشىسى قالا تۇرعىندارىنا ارنالىپ، «قالاڭىزدى جاقسى ءبىلىڭىز!» دەپ اتالدى.
«ءبىز «دەمالىستا ەكەۋىمiز الماتىعا جەتەرمiز!» شاراسىن مامىر ايىنىڭ سوڭىندا ىسكە قوستىق، ال ول قىركۇيەك ايىندا اياقتالادى. بۇل كەزەڭ كەزدەيسوق تاڭداپ الىنبادى، ويتكەنى جاز - دەمالىستار مەن كانيكۋل كۇندەرى. بۇعان قوسا، ىشكى تۋريستەردىڭ 70% مامىر ايىنان قازان ايىنا دەيىن كەلەدى.
سونىمەن قاتار، بۇل قالا تۇرعىندارىمەن بىرگە بۇكىل قىركۇيەككە سوزىلاتىن قالا كۇنىن مەرەكەلەۋ ءۇشىن تاماشا مۇمكىندىك.
ءبىز بارلىق قازاقستاندىقتاردى ەلىمىزدىڭ ءارتۇرلى ايماقتارىنان الماتىعا كەلۋگە شاقىرامىز، بارلىق وزگەرىستەر مەن جاڭالىقتاردى تاماشالايسىز، ونىڭ ىشىندە پانفيلوۆ كوشەسىندەگى اتاقتى جاياۋ جۇرگىنشىلەر كوشەسىنىڭ بويىمەن سەرۋەندەيسىز»، - دەدى Visit Almaty تۋريستىك اقپاراتتىق ورتالىعىنىڭ ديرەكتورى كاميلا لۇقپانوۆا.
سپيكەر تۇسىندىرگەندەي، ناۋقان دەگەنىمىز كوزگە كورىنەرلىك بەزەندىرۋدەن باستاپ تۋريستىك ونىمدەرگە دەيىن كەشەندى ءىس-شارالاردى كوزدەيدى.
«الماتى بۇرىنعىسىنشا تاۋ ءتۋريزمىنىڭ ورتالىعى، قارقىندى دەمالىس، مادەنيەت، ساۋدا جانە گاسترونوميالىق تۋريزم ورتالىعى بولىپ تابىلادى. بۇل شىن مانىندە بىرەگەي ورىن، مۇندا بارلىق تابيعي ايماقتار ۇيلەسكەن: تاۋلار، كولدەر، دالالار، شولدەر. مىسالى، ءبىزدىڭ وڭىردە «التىن ەمەل» ۇلتتىق ساياباعى بار، ول ءوزىنىڭ مارستاعىداي تاۋلارىمەن جانە ەرەكشە اۋەندەتەتىن بارقانىمەن ەرەكشەلەنەدى. سونداي-اق بىزدە كولساي، قايىڭدى، ەسىك، ۇلكەن الماتى كولدەرى بار.
ءبىزدىڭ وڭىردە بارلىق نارسەنىڭ ارتۇرلىلىگى سونشاما، بۇل ءتىزىمدى ۇزاق ۋاقىت بويى جالعاستىرۋعا بولادى. سوندىقتان ءبىز قازاقستاندىق تۋريستەردىڭ ەل ىشىندە تولىققاندى دەمالىس وتكىزگەنىن قالايمىز»، - دەپ قورىتىندىلادى ك.لۇقپانوۆا.
Visit Almaty تاو – بۇل الماتى قالاسىنىڭ تۋريزم جانە سىرتقى بايلانىستار باسقارماسى جانىندا قۇرىلعان اقپاراتتىق ورتالىق، ول تۋريستتەرگە الماتى جانە الماتى اگلومەراسياسىندا ۋاقىت وتكىزۋ مۇمكىندىكتەرى تۋرالى اقپاراتتى كۇندەلىكتى ۇسىنادى. ورتالىقتىڭ مىندەتتەرى – تۋريستىك ونىمدەردى حالىقارالىق جانە ىشكى نارىقتاردا العا جىلجىتۋ. Visit Almaty جۇمىسىنىڭ ماڭىزدى بولىگى تۋريستىك الەۋەتتى العا جىلجىتۋ جونىندەگى جوبالاردى جۇزەگە اسىرۋ، رەيتينگتەر، ءوڭىردىڭ باسەكەگە قابىلەتتىلىگى جانە ءتۋريزمنىڭ دامۋ مۇمكىندىكتەرى تالداۋىن جۇرگىزۋ، سونداي-اق وسى سالادا زەرتتەۋلەر جۇرگىزۋ بولىپ تابىلادى.
