ارىستانبەك مۇحامەدي ۇلى جانە قازاقستاندىق تانىمال تۇلعالار الماتى وبلىسىندا وتكەن اتپەن ءجۇرۋ جارىسىنا قاتىستى. تانىمال مەملەكەت قايراتكەرلەرى، بيزنەس وكىلدەرى جانە سپورتشىلاردىڭ قاتىسۋىمەن الماتى وبلىسىنىڭ تاۋلارىندا كەڭ كولەمدى اتپەن ءجۇرۋ جارىسى بولىپ ءوتتى، دەپ حابارلايدى Qamshy.kz اقپارات اگەنتتىگى. 

        الاكول اۋدانىنىڭ لەپسى اۋىلىندا رەسپۋبليكالىق دەڭگەيدەگى اتپەن ءجۇرۋ جارىسىنا قاتىسۋشىلار 1 500 مەتر بيىكتىكتە ورنالاسقان جامانتاس جايلاۋىنا دەيىن جوڭعار الاتاۋ تاۋلارىنىڭ شاتقالدارىمەن 50 كم قاشىقتىقتا اتپەن ءجۇرىپ ءوتۋ ءۇشىن جينالدى.

            قاتىسۋشىلار اراسىنان ق ر مادەنيەت جانە سپورت ءمينيسترى ارىستانبەك مۇحامەدي ۇلى، الماتى وبلىسىنىڭ اكىمى جاقسىلىق وماروۆ، الاكول اۋدانىنىڭ اكىمى الىبەك جاقانبايەۆ، «قازمۇنايگاز» اق باسقارماسىنىڭ ءتوراعاسى ساۋات مىڭبايەۆ، كاسىپكەر، مەسەنات «Zhersu» ينۆەستيسيالىق-وندىرىستىك قاداعالاۋ كەڭەسىنىڭ ءتوراعاسى باۋىرجان وسپانوۆ، كاسىپكەر ەدۋارد كيم، گرەك-ريم جانە ەركىن كۇرەس بويىنشا قازاقستان فەدەراسياسىنىڭ ۆيسە-پرەزيدەنتى ەرلان كوجاسباي، سونداي-اق   2004 جىلعى بوكس بويىنشا وليمپيادا چەمپيونى، ۆەلا باركەر كۋبوگىنىڭ يەگەرى، Astana Arlans بوكس كلۋبىنىڭ باس مەنەدجەرى باحتيار ارتايەۆ، بوكسشى قانات يسلام،
2008 جىلعى گرەك-ريم كۇرەسىنەن وليمپيادا ويىندارىنىڭ كۇمىس جۇلدەگەرى نۇرباقىت تەڭىزبايەۆ سىندى اتاقتى سپورتشىلاردى  بايقاۋعا بولادى.              

          اتپەن ءجۇرۋ جارىسىنا قاتىسۋشىلاردىڭ مەجەگە جەتۋ ۋاقىتىنا شەكتەۋ بولعان جوق، الايدا العاشقى سالت اتتىلاردىڭ ءبىرى بەلگىلەنگەن جەرگە  4 ساعاتتان استام ۋاقىت وتكەندە بارىپ جەتتى. ءتىپتى اتپەن جۇرۋگە الدىن-الا دايىندالعان قاتىسۋشىلار بارلىق جولدارمەن جوعارى قاراي كوتەرىلۋدىڭ  ءوزى اسقان قىراعىلىقتى قاجەت ەتەتىن قيىن سىناق بولعانىن جاسىرمادى. جولسىز جەرلەردە جۇرەتىن باقىلاۋشى كولىكتەر تىك جارتاستارعا ۇلاسا بەرەتىن بەتكەيلەرمەن جاعالاي ءجۇرىپ كەلە جاتقان سالت اتتىلاردىڭ ىزىمەن قيىندىقپەن ءجۇرىپ وتىردى.

          مادەنيەت جانە سپورت ءمينيسترى ارىستانبەك مۇحامەدي ۇلى ءوزىنىڭ قۇتتىقتاۋ سوزىندە مۇنداي ساياحاتقا شىعۋدىڭ ماقساتى – ەجەلگى  اتا-بابالارىمىزدىڭ ءسالت-داستۇرىن كوپشىلىك قاۋىمعا جانە شەتەلدىكتەرگە كەڭىنەن تانىستىرۋ ەكەنىن ايرىقشا اتاپ ايتتى.

          باۋىرجان وسپانوۆ اتپەن ءجۇرۋ جارىسىن ۇيىمداستىرۋدا بەلسەندىلىك تانىتتى. ول مۇنداي سپورتتىق شارالاردىڭ ۇيىمداستىرىلۋى  ەلىمىزدىڭ سۇلۋ تابيعاتىن الەمنىڭ بارشا حالقىنا پاش ەتۋگە سەپتىگىن تيگىزەتىنىن   ايتتى. الاكول جاعالاۋىندا دۋاتلون بويىنشا وتكەن جارىستى مىسال رەتىندە كەلتىردى. ونىڭ پىكىرىنشە، ءبىر مەزەتتە وسىنداي اتپەن ءجۇرىپ ءوتۋ جارىسى قازاق حالقىنىڭ داستۇرلەرىمەن تانىسۋعا مۇمكىندىك بەرەدى.