وسكەمەن قالاسىندا ورنالاسقان «ۆوستوچنيك-3» سەرىكتەستىگىنىڭ مۇشەسى، ساياجاي كووپەراتيۆىنىڭ تۇرعىنى قاسەمبايەۆا ايىم نۇرلان قىزى ءوزىنىڭ Facebook پاراقشاسىندا تۇرعىلىقتى جەرىندە «ۆوستوچنيك-3» اتتى باۋباقشا قوعامداستىعىنىڭ باسشىسى شۋشاننيكوۆ گ.پ ەسىمدى رەسەي ازاماتىنان قىسىم كورىپ وتىرعانىن جازدى.

«تاۋەلسىز ەلدە تۇرىپ، نەگە باسقا ەلدىڭ ازاماتىنا تاۋەلدىمىز؟

«ۆوستوچنيك-3» اتتى باۋباقشا قوعامداستىعىنىڭ باسشىسى شۋشاننيكوۆ گ.پ رەسەي ەلىنىڭ ازاماتى. ازاماتتىعى رەسەيلىك بولسا دا، قازاقستاندا تۇرىپ، قاراكوز قازاقتارعا يەلىك ەتۋدە! جاسى جەتپىستىڭ اينالاسىندا بولسا دا، وعان ەشكىمنىڭ ءامىرى جۇرمەيدى. ول دا ءوزىن بۇل جەردىڭ قۇدايى سەزىنەدى-اۋ. قازاقتاردى مەنسىنبەيتىنىنە ءوزىم تالاي رەت كۋا بولدىم. تالاي رەت اكىمدىككە، پروكۋراتۋراعا ارىز جازدىك. ءبىراق... باۋباقشا قوعامداستىعى كىمگە قارايتىنى بەلگىسىز! سوندىقتان بيلىك تە شاراسىز...
باۋباقشا قوعامداستىعىنىڭ ەلەكتر ەنەرگياسى دا سول ءبىر ءتوراعانىڭ يەلىگىندە. ەگەر ونىڭ قالاۋى بولسا، ول كەز كەلگەن تۇرعىندى جارىقتان اجىراتا الادى. ول سول قۇزىرەتىن اسىرا پايدالانىپ، قانداي دا ءبىر قۇجاتقا كەلىسىم جيناۋ بارىسىندا، قارسىلىق بىلدىرگەندەرگە ەلەكتر ەنەرگياسىن قيامىن دەپ تە كەلىستىرەدى. قيىلعان قۋاتتى قايتا قوستىرۋدىڭ ءوزى 8 مىڭ تەڭگە تۇرادى عوي... ال قيسا، ونى وڭايلىقپەن قوسا قويمايدى! 

تۇرعىنداردىڭ اتىنان ارىز جازىپ، باۋباقشا قوعامداستىعىنىڭ باسشىسىن اۋىستىرايىق دەسەك، تۇرعىنداردىڭ باسىم بولىگى ورىس ۇلتىنىڭ ازاماتتارى. قوعامداستىقتىڭ پروبلەمالارىن بىرلەسە شەشۋ ءۇشىن قۇرىلعان القا دا بار، ءبىراق ول القانىڭ وزىنە ءوز قازاعىمىزدى تاڭداپ تۇرىپ قوسساق تا، شىعىپ قالادى! بۇل باسسىزدىقتى قالاي توقتاتۋعا بولادى؟ اقىلدارىڭىز كەرەك اعايىن!» دەپ جازدى ايىم قاسەمبايەۆا.  

ءمان-جايدى تولىعىراق ءبىلۋ ءۇشىن بىردەن جازبا اۆتورىنا حابارلاستىق.

ساياجاي تۇرعىنى ايىم قاسەمبايەۆانىڭ ايتۋىنشا، «ۆوستوچنيك-3» اتتى باۋباقشا قوعامداستىعى باسشىسى شۋشاننيكوۆ گ.پ ءوزى ءتارتىپ ورناتىپ، وعان كوندىكپەگەندەردى «جارىقتى قيىپ تاستايمىز» دەپ قىسپاققا الادى.

- كەشە ۇيگە كەلسەم، كەشكە ءۇيدىڭ جارىعىن قيىپ كەتىپتى. «الدىن-الا نەگە ەسكەرتپەيسىزدەر؟» دەپ ەلەكتريككە حابارلاستىم. ول بۇعان دەيىن تالاي تۇرعىنعا الدىن-الا ەسكەرتەمىن دەپ باسشىلىقتان ۇرىس ەستىگەنىن ايتادى. (اۋديو جازباسى بار). ەلەكتريك شۋشاننيكوۆكە كوبىندە كىشكەنتاي بالالارى بار ەكەنىن العا تارتىپ، جارىقتى كەشكە ەمەس، تاڭ ەرتەڭ ءوشىرۋدى ۇسىنعان. الايدا قوعامداستىق باسشىسى كەشكە ەشكىمگە ەسكەرتپەستەن جارىقتى قيۋ كەرەك ەكەنىن ايتىپ، ءوز دەگەنىندە تۇرىپ العان. مەن اكىمدىككە شاعىم ءتۇسىردىم. ولار "ءوز ارالارىڭداعى كەلىسپەۋشىلىك، ءبىز كىرىسە المايمىز" دەدى.  - دەيدى ايىم قاسەمبايەۆا.

ايىمنىڭ ساياجايدا تۇرىپ جاتقانىنا 6 جىلدان استام ۋاقىت بولعان. شۋشاننيكوۆ سول جىلدان بەرى ساياجايدى باسقارىپ كەلەدى. ايىمنىڭ ايتۋىنشا، ونىڭ جاسى 70-كە كەلگەن. زەينەتكەرلىك جاستان اسىپ كەتسە دە، تۇرعىنداردىڭ قىزمەتىنە كوڭىلى تولماسا دا  جۇمىسىن توقتاتپاعان. تۇرعىندار «قايدان كەتسىن، ماي تامىپ وتىرعان ورىننان كىم كەتكىسى كەلەدى؟» دەيدى.

ايىم قاسەمبايەۆانىڭ ايتۋىنشا، وسكەمەن قالاسىندا «ۆوستوچنيك-3» اتتى باۋباقشا قوعامداستىعى اۋماعىندا 200-دەي ءۇي  بار. ءار ۇيدەن جىلدا ءتۇرلى سەبەپپەن اقشا جينايدى.

- جىل سايىن ءبىز 5 مىڭ تەڭگە مۇشەلىك كىرىس پەن ءار سوتىق جەر تەلىمى ءۇشىن 2 مىڭ تەڭگە اقشا جينايمىز، دەيدى.

بۇل تۇرعىندار مەن قوعامداستىق اراسىنداعى كەلىسىمدە كورسەتىلگەن سومما ەكەن. سوندىقتان حالىق ونى تولەۋدەن باس تارتپايدى.

بۇدان بولەك قاۋىمداستىق باسشىسى جارىققا اقشا تولەمەگەندەردەن ۇستەماقى تالاپ ەتەدى ەكەن. ونىمەن قويماي، حالىققا ءتىل تيگىزىپ، نامىسىنا دا تيەتىنىن ايتادى ايىم.

- «ۆوستوچنيك-3» اتتى باۋباقشا قوعامداستىعىنىڭ باسشىسى شۋشاننيكوۆ گ.پ ءبىزدى ادام سانامايدى. كەشە «ۆى پريشلي س ۋليسى» دەگەندە ءبارىمىز شۋ ەتە تۇستىك. قوعامداستىق وكىلى «وزدەرى بەكىتكەن ەرەجە بويىنشا جۇرگىلەرىڭىز كەلمەسە باسقا جەرگە كوشىپ كەتىڭدەر» دەدى دەپ اشىندى تۇرعىن.

ايىم قاسەمبايەۆا بارلىق جينالىس ورىس تىلىندە جۇرگىزىلەتىنىن، حابارلاندىرۋلار تەك ورىس تىلىندە جازىلاتىنى ايتادى.

ء-بىز «نەگە قازاق تىلىنە اۋدارمايسىڭدار، جينالىستى نەگە قازاق تىلىندە جۇرگىزبەيسىڭدەر؟» دەسەك، "مەن سەندەرگە قازاقشا جازۋعا مىندەتتى ەمەسپىن. ءبىز مەملەكەتتىك مەكەمە ەمەسپىز. كەرەك بولسا وزدەرىڭ اۋدارىپ الىڭدار" دەيدى. ويىنا كەلگەنىن ىستەيدى. ۋاقىتىندا تولەمەسەڭ ءار ادامعا ۇستەماقى تولەتكىزەدى. «ءسىز ۇستەماقى تولەتەتىندەيمسوت ەمەسسىز» دەپ تاعى ۇرىسقانمىن.

ورىس ءتىلىن بىلمەيتىندەر، «نە ايتتى. نە شەشتى؟ دەپ بىر-بىرىنەن سۇرايدى. بۇل ماسەلەنى كوتەرىپ پروكۋراتۋرانىڭ دا، اكىمدىكتىڭ دە تابالدىرىعىن توزدىردىق. الايدا ولار قوعامداستىقتىڭ مەملەكەتتىك ورگان ەمەس ەكەنىن ايتىپ، شاراسىز ەكەنىن جەتكىزدى. بۇل قوعامداستىق كىمگە قارايدى بەلگىسىز؟ بۇعان زاڭ، سوت دەگەن جوق پا سوندا؟، - دەيدى ايىم قاسەمبايەۆا.

بۇل ماسەلەنىڭ دەندەپ، شەشىمىن تابا الماي جۇرگەنىنە بىرنەشە جىلدىڭ ءجۇزى بولدى. بۇعان دەيىن Qamshy.kz اقپارات اگەنتتىگى ساياجاي تۇرعىنىنىڭ شاعىمىنا قاتىستى ماسەلەنى كوتەرىپ، ماتەريال جاريالاعان ەدى. ول كەزدە اكىمدىك اتالمىش ىسكە قىزىعۋشىلىق تانىتقانداي بولىپ ەدى، الايدا ەشتەڭە وزگەرمەگەن. ءدال بۇرىنعىداي جينالىستار ورىس تىلىندە جۇرگىزىلگەن، حابارلامالار ورىس تىلىندە جازىلعان. ءالى دە سولاي. «باۋباقشا» قوعامداستىعىنىڭ تۇرعىنداردىڭ تىلەگىنە قۇلاق اسار ويىندا دا جوق.

وسىدان ءبىر جىل بۇرىن اتالمىش قاۋىمداستىققا حابارلاسقانىمىزدا دا، ساياجاي تۇرعىندارىنا دا قوعامداستىق وكىلى تاتيانا يۋريەۆنا مۋرودياك وزدەرىنىڭ مەملەكەتتىك ورگان بولعاندىقتان قۇجاتتار مەن جينالىستاردى ەكى تىلدە جۇرگىزۋگە مىندەتتى ەمەس ەكەنىن ايتقان ەدى.

قۇرمەتتى، «ۆوستوچنيك-3» اتتى باۋباقشا قوعامداستىعى! ق ر زاڭىنا سايكەس، ءتىل تۋرالى زاڭ بارلىق قازاقستان تەرريتورياسىنداعى مەكەمەگە تيەسىلى ەكەنىن ەسكە سالامىز.

ءىس قاعازداردى قازاق تىلىندە جۇرگىزۋ، حالىققا ەكى تىلدە دە اقپاراتتى جەتكىزۋ سەكىلدى زاڭ بارلىعىنا ورتاق! ءاربىر قازاقستان ازاماتى مەن قازاقستان تەرريتورياسىندا تۇرىپ جاتقان، ەڭبەك ەتىپ جۇرگەن، كاسىبىن جۇرگىزىپ وتىرعان ازاماتتار قازاقستاننىڭ بەكىتكەن زاڭىنا مويىنسىنۋعا، ق ر اتا-زاڭىندا كورسەتىلگەن ەرەجە بويىنشا ءجۇرىپ-تۇرۋعا مىندەتتى.

Qamshy.kz اقپارات اگەنتتىگى وسى ماسەلەنى ءوز نازارىندا ۇستايدى. ق ر باس پروكۋراتۋراعا، جوعارى سوتقا، ۇقك-گە رەسمي حات جولدايمىز.