اقتوبە وبلىستىق ءىىد وكىلدەرى ەكى ەر ادامنىڭ پوليسياعا قارسىلىق كورسەتكەنى تۇسىرىلگەن ۆيدەوعا قاتىستى پىكىر ءبىلدىردى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ. 

الەۋمەتتىك جەلىلەردە پايدا بولعان ۆيدەودا ەكى ەر ادامنىڭ پوليسەيلەرگە الدەنە تۇسىندىرگىسى كەلەتىنىن كورۋگە بولادى. كەنەت ەر ادامداردىڭ ءبىرى اشۋلانىپ، قىزمەتكەرگە سوققى جاساي باستايدى.  وقيعا اقتوبەدە بولعان. وبلىستىق ءىىد وكىلدەرى ۆيدەونىڭ 2018 جىلدىڭ شىلدەسىندە تۇسىرىلگەنىن حابارلاپ وتىر. پوليسيا مالىمەتىنشە، جاساق ەكى ەر ادامنىڭ قۇجاتتارىن تەكسەرمەك بولعان. 

"اعايىندى باۋىرلار ەسىرتكى قولدانادى، ناركوديسپانسەردە ەسەپتە تۇر. ولار پوليسيا قىزمەتكەرلەرىنە قارسىلىق كورسەتتى. ولاردىڭ ءبىرى ۋاقىتشا ۇستاۋ يزولياتورىنا قامالدى، ەكىنشىسى ەشقايدا كەتپەۋ تۋرالى قولحاتپەن جىبەرىلدى. پوليسيا جاساعى ولاردىڭ قۇجاتىن تەكسەرگىسى كەلگەن، ولار ەسىرتكىگە ماس بولعان"، - دەپ حابارلادى ۆەدومستۆو وكىلدەرى.