تاراز قالاسىنداعى ناماز وقىعان وقۋشىلاردى بالاعاتتاعان "اتلەتيك" سپورت كەشەنىنىڭ جاتتىقتىرۋشىسى جۇمىستان قۋىلدى دەپ حابارلايدى Qamshy.kz اقپارات اگەنتتىگى. 

"فۋتبول ءبولىمىنىڭ جاتتىقتىرۋشىسى باەتوۆ المات سەيتناسيم ۇلى 1966 جىلى تۋعان. 1985 جىلدان باستاپ تاجىريبەسى بار جوعارعى ساناتتى جاتتىقتىرۋشى. وبلىستىق مامانداندىرىلعان سپورتتاعى دارىندى بالالار مەكتەپ-ينتەرناتىندا 2011 جىلدان بەرى جۇمىس اتقارۋدا.

جاتتىقتىرۋشى ا. باەتوۆتىڭ ىس-ارەكەتى پەدوگوگيكالىق تاربيەگە ساي كەلمەگەندىكتەن، جۇمىستان بوساتىلدى.سونىمەن قاتار، ءدىني كوزقاراس بويىنشا ماسەلەلەرگە زەردەلەۋ جۇمىستارى جۇرگىزىلەتىن بولادى"، - دەيدى جامبىل وبلىسى اكىمدىگىنىڭ دەنەشىنىقتىرۋ جانە سپورت باسقارماسىنىڭ باسشىسى.

ەسكە سالساق، تاراز قالاسىنداعى اتلەتيك سپورت مەكتەبىنىڭ سپورت جاتتىقتىرۋشىسى المات سەيتناسيم ۇلى ناماز وقىپ جاتقان وقۋشىلاردى بالاعاتتاپ، جەلكەلەپ، بولمەدەن قۋىپ شىققان. بۇل ۆيدەو الەۋمەتتىك جەلىدە قىزۋ تالقىعا تۇسكەن بولاتىن.

ءوز كەزەگىندە قمدب ءمۇعالىمنىڭ بۇل ارەكەتىن ادامدىققا جات قىلىق ەكەنىن ايتىپ، قاتاڭ ايىپتادى.