بۇگىنگى كەزدەسۋدە 5G جانە داتا-ورتالىقتار سىندى جوبالاردىڭ جۇزەگە اسۋى جايىندا باياندادى.
ونىڭ ايتۋىنشا، كەلەر جىلى مىسىردا وتەتىن دۇنيەجۇزىلىك راديو بايلانىسى كونفەرەنسياسىندا حالىقارالىق ەلەكتر بايلانىسى وداعىمەن 5G ستاندارتىن قابىلداۋى ءتيىس. سودان كەيىن ءبىزدىڭ ەلدە دە وسى جاڭاشىلدىقتى ەنگىزۋگە بولادى. ەڭ الدىمەن جاڭا جۇيە استانا، الماتى قالالارىندا جانە الماتى مەن اقمولا وبلىستارىندا تەستىلەۋدەن وتەدى. كەيىن حالىق سانى 50 ادامنان اساتىن ەلدى مەكەندەردە 5G ينتەرنەتپەن قامتاماسىز ەتىلەدى.
داۋرەن ابايەۆ، ق ر اقپارات جانە كوممۋنيكاسيالار ءمينيسترى:
- كەڭ شولاقتى قولجەتىمدىلىك پەن LTE تەحنولوگيالارى ارقىلى 2 جوبا ارقىلى ءبىز 2021 جىلعا دەيىن 50 ادامنان جوعارى ەلدى مەكەندەرگە جەتكىزۋدى جوسپارلاپ وتىرمىز. وسى جوبالار قالا مەن اۋىل اراسىنداعى سيفرلىق تەڭسىزدىكتى جويۋعا مۇمكىندىك بەرەدى. ەلدىمەكەندەر جوعارى جىلدامدىقتى ينتەرنەتپەن قامتىلادى.
