2018 جىل شىلدە ايىنىڭ 24-دە «دامۋ» يندۋستريالدى-لوگيستيكالىق ورتالىعىمەن ق ر سالىق باسقارماسىنىڭ وكىلدەرى ءوزارا بايلانىس تۋرالى مەماراندۋمعا قول قويعان بولاتىن.
مەماراندۋمنىڭ ماقساتى سالىق باسقارماسىنىڭ وكىلدەرى «دامۋ» يندۋستريالدى-لوگيستيكالىق ورتالىعىنىڭ ارىپتەستەرى مەن جۇمىسشىلارىنا كەز-كەلگەن سالىققا بايلانىستى قۇقىقتىق سۇراقتارىنا جاۋاپ بەرۋ بولىپ تابىلادى. وسى ماقساتتا ولار وزدەرىنىڭ ورتالىق بولىمشەلەرىن اشۋعا كەلىستى.
ەلباسىمىز ن.نازاربايەۆ، جولداۋىندا «ءبىز ءارقاشان شاعىن جانە ورتا بيزنەس وكىلدەرىن دامىتۋىمىز كەرەك. ولاردىڭ وسىپ-وركەندەۋىنە، ەكونوميكامىزعا قوساتىن ۇلەسىن ەستەن شىعارماي، قولداۋ كورسەتۋىمىز قاجەت» دەگەن بولاتىن. مىنە وسى ورايدا «دامۋ» يندۋستريالدى-لوگيستيكالىق ورتالىعى ەلباسىنىڭ جولداۋىن تولىقتاي قولداپ وتىر.
«دامۋ» يندۋستريالدى-لوگيستيكالىق كومپانياسى ەلىمىزدە 10 جىلدان استام تاسىمالداۋ، ساقتاۋ سالاسىندا ۇزدىكتەردىڭ ۇزدىگى اتانىپ كەلەدى. كومپانيانىڭ نەگىزگى ماقساتى ارىپتەستەرىنە بارىنشا ساقتاۋ، تاسىمالداۋ، سالاسىندا ساپالى جۇمىس جاساۋىنا مۇمكىندىك تۋعىزۋ. وسى جۇمىستار ءوز ناتيجەسىن بەرىپ، جىل سايىن ارىپتەستەردىڭ سانى دا ارتۋدا.
ءار كاسىپىتىڭ سالىقتىق قيىندىقتارى بولادى. سالىق باسقارماسى وكىلدەرىنىڭ مىندەتى ارىپتەستەرىمىزگە جانە جۇمىسشىلارعا كەز-كەلگەن ۋاقىتتا سالىق سالاسىندا اۋقىمدى اقپاراتتار بەرىپ، قۇجاماتتامانىڭ بارلىعىن ءبىر جەردە تولتىرۋعا مۇمكىندىك بەرۋ بولىپ تابىلادى. بۇل - ۋاقىت ۇنەمدىلىگى.
اتالعان جۇمىستاردىڭ ناتيجەسىن كورسەتۋ ماقساتىندا بۇگىن «دامۋ» يندۋستريالدى-لوگيستيكالىق ورتالىعىندا ق ر سالىق كەڭەسشىلەرى پالاتاسى وكىلدىگىنىڭ اشىلۋى بولىپ ءوتتى.
«بۇگىن قازاقستان سالىق تولەۋشىلەر كەڭەسشىلەر قوعامدىق بىرلەستىگى وكىلدىگىنىڭ اشىلۋىنا قاتىستى شارالار ءوتىپ جاتىر. بۇگىنگى شاراعا قوعامدىقتىڭ باسشىلار ارنايى كەلىپ قاتىسىپ، وزدەرىنىڭ پىكىرلەرىمەن ءبولىستى. اتالمىش شارادا يندۋستريالدى لوگيستيكالىق ورتالىقتىڭ كومپانيالارىنا جانە وسى جەردە ورنالاسقان رەزيدەنتتەرگە قىزمەت كورسەتۋ ماسەلەلەرى تالقىلاندى. ماماندار ءوز ويلارىمەن ءبولىسىپ، كوپتەگەن ماسەلەلەردى جان-جاقتى ءتۇسىندىرىپ بەردى»، - دەيدى يندۋستريالدى لوگيستيكالىق دامۋ ورتالىعىنىڭ بۋحگالتەريا قىزمەتكەرى ەركىن جۇبانىشوۆ.
