كۇنى كەشە بوستاندىققا شىققان تالعات اياننىڭ فەيسبۋكتەگى وتباسىلىق دەمالىس كەزىندەگى فوتولارىن كورىپ قالىڭ قازاق قۋاندى. تالعاتتى اياعان بيلىك الاش-وردانىڭ 100 جىلدىعى قۇرمەتىنە قامشى پورتالى تاعايىنداعان ارنايى مەدالدىڭ يەگەرى ماكس بوقايەۆقا كەلگەندە نەگە قاتايىپ قالدى دەپ وي تاعى مازا بەرمەگەنىن جاسىرمايمىز. ءسويتىپ جۇرگەندە تالعات اياننىڭ فەيسبۋك پاراقشاسىندا بىرەر ساعات بۇرىن جاريالاعان جازباسى قۋانىشىمىزدى سۋ سەپكەندەي باستى. ماكس تا ءبىر كۇنى قازاق بيلىگىڭ مەيىرىمىنە بولەنەدى دەگەن ءۇمىت شورت ۇزىلەيىن دەپ تۇر.  "مۆد كۋيس"- تەن ماكس بوقايەۆقا جازا قولدانباۋدى تالاپ ەتەمىن!" دەپ ءسوز باستاعان تالعاتتىڭ ۋايىمعا تولى حاتىن وقىرمان نازارىنا ۇسىنامىز. ءبىر ايتا كەتەرلىگى، قامشى ءتىلشىسى ماكس جازاسىن وتەپ جاتقان كولونيا اكىمشىلىگىنە قوڭىراۋ شالىپ، ءمان-جايدى انىقتاماق بولعان ەدى. الايدا ولار اۋىزشا ەشقانداي اقپارات بەرە المايمىز، ەلەكتروندىق مەكەنجايىمىز دا جوق، سوندىقتان رەسمي حات جىبەرىڭىزدەر دەپ قىسقا-نۇسقا جاۋاپ قايتاردى. 

"ماكس بوقايەۆ 2016 جىلعى جەر ميتينگىلەرىن ۇيىمداستىرعانى ءۇشىن پەتروپاۆل قالاسىنداعى ەس-164/3 كولونياسىندا جازاسىن وتەۋدە. ءقازىر ماكسكە كولونيا اكىمشىلىگى ەسكەرتۋ بەرىپ، قايتادان يزولياتورعا قاماپ، سوسىن قاتاڭ جاعدايعا(سۋس، بۋر.باراك) جىبەرۋى مۇمكىن.
ماكس ءوزى زاڭگەر، كولونيادا ەشقانداي ءتارتىپ بۇزۋشىلىق جاساماعانىنا كەپىلدىك بەرەمىن. 
ءقازىر وعان تاڭعى جانە كەشكى تەكسەرىس كەزىندە، پلاستا، وترياد باسشىسىنىڭ الدىنا بارىپ باس كيىمىڭدى شەشپەيسىڭ دەپ ءتيىسىپ ءجۇر. ول "باس كيىم شەشۋ ادەتى، باياعى زامانداعى قۇلداردىڭ مىرزالار ءوتىپ بارا جاتقاندا باس كيىمىن شەشكەنمەن تەڭ. ادامنىڭ ار-وجدانىنا نۇسقان كەلتىرەدى. ءبىراق ول زامان ءوتىپ كەتتى، اۋرۋ قالسا دا، ادەت قالمايدى" دەگەن سياقتى. 
كۇن سايىن ەكى رەت، دالادا پلاستا وترياد باسشىسىنىڭ الدىنا بارىپ، باس كيىمىڭدى شەشىپ ءاتى-جونىڭدى ايتاسىڭ. ال باسقا ۋاقىتتا، اۋلادا باس كيىمىڭدى ءتىپتى شەشۋگە بولمايدى، ونى ۇلتتىق گۆارديا ءجىتى باقىلاپ جۇرەدى، بايقاماي باس كيىمىڭدى كيۋدى ۇمىتىپ كەتسەڭ، ەسكەرتۋ الىپ، تۇسىنىكتەمە جازاسىڭ.