ۇلتتىق ەكونوميكا مينيسترلىگىنىڭ بۇرىنعى باسشىسى قۋاندىق بيشىمبايەۆتى استاناداعى تۇرمەدەن وڭتۇستىككە قاراي الماستىردى دەپ حابارلايدى Qamshy.kz اقپارات اگەنتتىگى "ەۋرازيا" تەلەارناسىنىڭ دەرەگىن نەگىزگە الىپ. ەكس-مينيستردى قاشىپ كەتەدى دەپ ويلاسا كەرەك، ونى تاسىمالداۋ كەزىندە ۇلتتىق گۆارديانىڭ وننان استام ساربازى كۇزەتىپتى.
بۇرىنعى شەنەۋنىك جازاسىن ەندى شىمكەنتتىڭ ىرگەسىندەگى لەنگەر قالاسىندا ورنالاسقان تۇرمەدە وتەيتىن بولادى. بۇل - اسا ءقاۋىپتى قىلمىسكەرلەردى ۇستايتىن قاتاڭ رەجيمدەگى كولونيا. 1976 جىلى سالىنعان عيمارات 500 سوتتالۋشىعا لايىقتالعان.
تۇرمەنىڭ استاناداعى تۇرمەدەن ايىرماشىلىعى جوق، باي-باعلاندار ءۇشىن دە ەشقانداي جاعداي جاسالماعان. مۇندا ادام ولتىرگەنى، زورلاعانى ءۇشىن جانە ءىرى كولەمدە قارجى ۇرلاعانى ءۇشىن سوتتالعاندار جازاسىن وتەيدى.
قۋاندىق بيشىمبايەۆتىڭ ءوزى شىمكەنتتىڭ تۋماسى بولعاندىقتان جانە تۋعان-تۋىستارىنىڭ وسى قالادا تۇراتىندىقتان ءۇشىنشى مەگاپوليسكە كوشىرىلىپتى.
ەسكە سالايىق، ۇلتتىق ەكونوميكا ەكس-مينيسترى بيىل ناۋرىز ايىندا 10 جىلعا سوتتالعان بولاتىن. وعان بىرنەشە رەت پارا الدى جانە سەنىپ تاپسىرىلعان مۇلىكتى تالان-تاراجعا سالدى دەگەن ايىپتار تاعىلعان.
