حايرۋللين ارمان ءوزىنىڭ فەيسبۋك پاراقشاسىندا اتىراۋ قالاسىندا بوي كوتەرىپ جاتقان نىسانداردىڭ كوركەمدىلىگىنە، ءمان مەن ماڭىزدىلىعىنا كۇمان كەلتىرىپ، ۆيدەوۇندەۋ جاريالاپتى. اتىراۋ قالاسىنىڭ تۇرعىنى "ءبىزدىڭ قالاعا كوركەمدىك كەڭەس كەرەك. سەبەبى بۇل وبەكتىلەر حالىقتىڭ سىنىن تۋدىرۋدا. اكىمدىك ويىمدى سىن دەپ ەمەس، اتىراۋدا تۋعان تۇرعىننىڭ ۇسىنىسى دەپ بىلەر. جاقسىلىقتى دا، كەتىكتى دە ايتۋىمىز ءتيىس" دەيدى. الداعى ۋاقىتتا اكىمگە كىرىپ، مۇنايعا قونعان كوبەلەكتى الىپ تاستاۋ تۋرالى ۇسىنىسىمدى ايتامىن دەگەن ارماننىڭ ويى ىسكە اسادى ما بىلمەدىك. الايدا  حالىقتىڭ سىنىنا قالعان بۇل نىسانعا، سونىمەن قاتار لاتىنشا "اتىراي" بولىپ جازىلىپ كەتكەن سيلۋەتتەرگە ارمانسىز-اق اكىمدىكتىڭ نازارى ءتۇسىپ، كوبەلەكتىڭ كوزىن قۇرتىپ، قالانىڭ ادەمى اتىن قايتا جاڭعىرتادى دەگەن ۇمىتتەمىز.