پوليسيا جۇمىسىنداعى كەمشىلىكتى ءىىم كريمينالدىق پوليسيا دەپارتامەنتىنىڭ باسشىسى ارمانبەك بايمۇرزين باستاعان قىزمەتكەرلەر توبى انىقتاعان.
دەنيس تەننىڭ قازاسىنان سوڭ الماتى ىشكى ىستەر دەپارتامەنتىنىڭ 13 قىزمەتكەرى جازالاندى دەپ حابارلايدى Qamshy.kz اقپارات اگەنتتىگى baribar-عا سىلتەمە جاساي وتىرىپ.
ق ر ءىىم مالىمەتىنشە، سالانىڭ شۇعىل قىزمەتتى تەكسەرۋ مەن شۇعىل الدىن الۋ شارالارى كەشەنىن جۇرگىزۋ ءۇشىن 19 شىلدەدە ءىىم ورتالىق اپپاراتىنىڭ، سونىڭ ىشىندە وزىندىك قاۋىپسىزدىك قىزمەتىنىڭ ءىىم كريمينالدىق پوليسيا دەپارتامەنتىنىڭ باسشىسى ارمانبەك بايمۇرزين باستاعان قىزمەتكەرلەر توبى الماتىعا كەلدى.
سونىمەن بىرگە ىشكى ىستەر ءمينيسترىنىڭ ورىنباسارى راشيد جاقىپوۆ الماتىدا مانەرلەپ سىرعاناۋشىنىڭ ولىمىنە قاتىستى ءىستىڭ جان-جاقتى، تولىق ءارى وبەكتيۆ زەرتتەلۋىن قاداعالادى.
“تەكسەرۋ مەن پراكتيكالىق كومەك كورسەتۋ بارىسىندا ىىد-نەن قوعامدىق قاۋىپسىزدىكتى قامتاماسىز ەتۋ، قوعامدىق ورىنداردا جانە اۋلا ىشىندەگى اۋماقتاردا قىلمىستىق قۇقىقبۇزۋشىلىقتاردىڭ الدىن الۋ جانە ۋچاسكەلىك پوليسيا ينسپەكتورلارىنىڭ جۇمىسىن ۇيىمداستىرۋ ماسەلەلەرى بويىنشا كەمشىلىكتەر مەن زاڭسىزدىقتار انىقتالدى. قىزمەتتىك تەكسەرۋ ناتيجەسى بويىنشا ءىىد-نىڭ 13 قىزمەتكەرى، سونىڭ ىشىندە ءۇش جەتەكشى قاتاڭ تارتىپتىك جاۋاپكەرشىلىككە تارتىلدى”، – دەلىنگەن ق ر ىشكى ىستەر ءمينيسترىنىڭ ءبىرىنشى ورىنباسارى جانات سۇلەيمەنوۆتىڭ الماتى قوعامدىق كەڭەسىنىڭ ۇندەۋىنە قايتارعان جاۋابىندا.
قالانىڭ جەرگىلىكتى پوليسيا قىزمەتىنىڭ باسشىسى جاسۇلان بايكەنوۆ پەن المالى اۋداندىق جەرگىلىكتى پوليسيا قىزمەتىنىڭ باسشىسى سەرىك قۇمابەكوۆ تە وسى سەبەپتەن جۇمىستان قۋىلعان.
بۇعان قوسا، الماتى ىىد-دە 27 شىلدەدە ىشكى ىستەر ءمينيسترىنىڭ ورىنباسارى راشيد جاقىپوۆتىڭ توراعالىعىمەن شۇعىل كەڭەس وتكەن، وندا تەكسەرۋلەر مەن تەرگەۋدى ۇيىمداستىرۋ ناتيجەلەرى قارالىپ، دەپارتامەنت قىزمەتتەرىنىڭ الدىنا اشىلماعان مۇلىك ۇرلىعى قىلمىستارىن ساپالى ءارى تولىق تەكسەرۋ، ۇرلانعان زاتتار ساتىلاتىن ورىنداردا ىزدەۋ شارالارىن جۇرگىزۋ جانە بۇرىن سوتتالعان ادام رەتىندە ەسەپتە تۇرعان ادامداردى تەكسەرۋ جونىندە ناقتى ماقسات-مىندەتتەر قويىلدى.
